‏ Psalms 33

1Давудың Абымелегиң өңүнде өзүни дәлилиге уран вагтындакы мезмуры. Абымелек Давуды ковандан соң, ол гитди.
Алеф 2Мен Реббе хемише алкыш айдарын,
Оңа өвги элмыдама агзымда болар.
Бет 3Реб билен мениң җаным магтанар,
песпәллер эшидер хем-де шат болар.
Гимел 4Мениң билен биле Ребби өвелиң,
бейгелдели билеликде Онуң адыны.
Далет 5Мен Ребби агтардым, Ол җогап берди
хем-де әхли ховплардан мени халас эйледи.
Хе 6Оңа назар салың, нурланарсыңыз,
асла утандырылмаз сизиң йүзүңиз.
Зайин 7Мен-бичәре Ребби чагырдым, Ол хем эшитди,
мени әхли азапларымдан халас эйледи.
Хет 8Реб перишдеси Ондан горкянлары гуршаяр,
олары бела-бетерден халас эйлейәр.
Тет 9Дадып гөрүң Реб ягшылыгыны,
Оны пена эдинйән нәхили багтлы!
Ёд 10Ребден горкуң, эй, Онуң мукаддеслери,
Ондан горкянларың ёк мәтәчлиги.
Каф 11Хатда ёлбарслар хем чекйәр эҗир билен ачлыгы,
Ребби агтарянлар болса чекмез хич мәтәчлиги.
Ламед 12Гелиң, эй, огулларым, диңләң сиз мени,
өвредейин сизе Ребден горкмагы.
Мем 13Ислейәрмиң дөвран сүрмеги?
Гөресиң гелйәрми ягшы гүнлери?
Нун 14Яманлыкдан сакла сен өз дилиңи
ве хилели гепден – додакларыңы;
Самех 15яманлыкдан айрыл, эт сен ягшылык,
парахатлык агтар, онуң ызындан галма.
Айин 16Догры адамларда Реббиң гөзлери,
перятларына ачык Онуң гулагы.
Пе 17Реббиң йүзи беткәрлере гаршыдыр;
олары ятламадан ер йүзүнде нышан галдырмаз.
Тсади 18Реб эшидйәр догрулар перят эденде,
Ол олары әхли мушакгатларындан халас эйлейәр.
Коф 19Реб калбы сыныклара якындыр;
рухдан дүшенлери халас эдйәндир.
Реш 20Догры ынсаның дертлери көпдүр,
эмма Реб әхлисинден оны халас эдйәндир.
Шин 21Онуң әхли сүңклерини гораяр,
оларың бири хем дөвүлмез.
Тав 22Яманлык эрбет адамы өлдүрер,
догры адамы йигренйән хөкүм эдилер.
23Реб Өз бенделерини халас эдйәндир,
Оны пена эдинйәнлериң хич бири хөкүм эдилмез.