Psa 51 | TukCyr16 | STEP

‏ Psalms 51

1 –
2 Айдымчылар топарының ёлбашчысына. Эдомлы Дөвег Шавула гелип, Давут Ахымелегиң өйүне барып етендигини хабар беренде, Давудың айдан маскили.
3 Нәме үчин яманлык билен өвүнйәң, эй, эдермен?
Худайың садык сөйгүси хемише мениң билен!
4 Сениң дилиң дүзйәр вейранчылыклары,
ол йити пәки кимин ишләп дүзйәр хиләни.
5 Сен ягшылыкдан яманлыгы халаяң,
хакыкаты сөзләниңден – ялан айтмагы.
6 Эй, хилели дил,
сен халаяң әхли хеләклейҗи сөзлери!
7 Эмма Худай сени бакы хеләкләр,
сени тутуп, чадырыңдан чекип чыкарар,
яшайыш топрагындан көкүңи сограр. Села
8 Догры адамлар муны гөрүп, горкарлар,
оңа гүлүп, шейле диерлер:
9 «Ине, бу адам Худайы өзүне пена этмеди,
өз байлыгының көплүгине баглады били;
ол өз байлыгындан ^{▼▼Байлыгындан – кәбир голязмаларда җенаятындан.} пена гөзледи».
10 Мен болса Худайың өйүндәки
гөк өвүсйән зейтун агаҗы ялы;
Худайың садык сөйгүсине
эбеди ве бакы баглаян били.
11 Эденлериң үчин Саңа бакы шүкүр эдерин;
Саңа садык боланларың җемагатында
Сениң ягшы адыңа умыт багларын.