Psalms 53
1–2Айдымчылар топарының ёлбашчысына. Киришли саз гуралында. Маскил. Зиплилер гелип, Шавула: «Давут бизиң арамызда гизленйәр» диенлеринде, Давудың айдан мезмуры.
3Эй, Худай, мени халас эт Өз адың билен,
мени акла Сен гудратың билен.
4Эй, Худай, мениң догамы эшит,
Сен агзымың сөзлерине гулак гой.
5Чүнки гелмишеклер гаршыма галды,
сүтемкәрлер җанымың кастына чыкды;
олар Худайы әсгермейәрлер. Села
6Мениң үчин болса Худай көмекдир!
Таңры сөйгетлейәр мениң җанымы.
7Ол душманларымың эден яманлыгыны
оларың өз башларына индерер.
Өз вепалылыгың хатырасына ёк эт олары.
8Саңа хөвес билен гурбанлык кесейин,
я Реб, Сениң ягшы адыңа шүкүр эдейин.
9Чүнки Ол мени әхли мушакгатдан халас эйледи,
гөзүм душманларыма еңиш билен гарады.
Copyright information for
TukCyr16