Psa 59 | TukCyr16 | STEP

‏ Psalms 59

1 –
2 Айдымчылар топарының ёлбашчысына. «Әхт лилиясы» әхеңинде айдылян. Арам-Нахарайым, Арам-Соба билен уршанда ве Ёвап ызына доланып гелйәркә, Дуз дересинде он ики мүң эдомлыны өлдүрен вагты, Давудың өвүт бермек үчин айдан миктамы.
3 Эй, Худай, бизи рет этдиң, бизиң хатарымызы бөвүсдиң,
газапландың: вах, гайдып берсене өңки абаданлыгы!
4 Сен ери сарсдырдың, оны җайырдың,
ярыкларыны беҗер, титрейәндир ол.
5 Агыр гүне салдың Сен Өз халкыңы,
бизе энтедиҗи шерап ичирдиң.
6 Оклардан гутулып билери ялы,
Өзүңден горкянлара Сен нышан бердиң. Села
7 Өз сөййәнлериңиң гутулып билери ялы,
голуң билен халас эт, бизе җогап бер.
8 Вада берди Худай Өз мукаддес өйүнден:
«Улы шатлык билен Мен Шекеми бөлерин
хем-де Сукот дересини өлчәрин.
9 Гилгат Мениңки, Манаша Мениңки,
Эфрайым – тувулгам,
Яхуда – патышалык хасам.
10 Мовап – ювунмак үчин легеним,
Эдомың үстүне зыңарын Мен чарыгымы.
Пилишт топрагында еңиш дабарасы билен гыгырарын Мен».
11 Берк гала ким мени элтер?
Мени Эдома ким алып гидер?
12 Эй, Худай, эйсем Сен бизи рет эдәйдиңми?
Эй, Худай, инди гошунларымыз билен гитҗек дәлми Сен?
13 Душманларымыза гаршы бизе көмек эт,
себәби ынсан көмеги бидерек затдыр.
14 Худай аркалы еңиш газанарыс,
душманларымызы депелеҗек Олдур.