Psalms 63
1Айдымчылар топарының ёлбашчысына. Давудың мезмуры.2Эй, Худай, арз эденимде сесими эшит,
душман вехиминден җанымы гора.
3Мени гизле эрбетлериң диллешмесинден
хем-де беткәрлериң гозгалаңындан.
4– 5Олар диллерини гылыч кимин йителдйәр;
бигүнәни букудан атмакчы болуп,
аҗы сөзлерини пейкам кимин ченейәр;
дуйман дурка оны атып, асла горкмаяр.
6Олар яман ниетлеринден асла дәнмейәр,
гизлин дузаклары гурмак үчин дил бирикдирйәр,
«Олары гөрҗек бармы?» дийип ойланяр.
7Олар җенаят этмеги ниет эдинйәр,
олар: «Биркемсиз хиле-пирим дүздүк,
ынсаның калбыны билип болмаяр» дийип,
бири-бирине айдяр.
8Эмма Худай олара пейкамын атар,
олар дуйдансыз яраланар.
9Өз диллери оларың башына етер,
олары гөренлериң бары хопугып гачар.
10Әхли ынсанлар горка дүшерлер,
олар Худайың ишини беян эдерлер;
Онуң эдени барада пикир эдерлер.
11Догры адам Ребде шатлансын,
гой, ол Ребби өзүне пена эдинсин;
йүреги догруларың бары магтансын.
Copyright information for
TukCyr16