Psa 74 | TukCyr16 | STEP | Айдымчылар топарының ёлбашчысына. «Хеләк этме» әхеңинде айдылян. Асафың мезмуры. Нагма.

‏ Psalms 74

1 Айдымчылар топарының ёлбашчысына. «Хеләк этме» әхеңинде айдылян. Асафың мезмуры. Нагма.
2 Эй, Худай, Саңа шүкүр эдйәрис,
Сен Өз барлыгыңы аян эдйәң, шүкүр эдйәрис,
Биз Сениң гудратларың хакда айдярыс ^{▼▼Биз Сениң гудратларың хакда айдярыс – бу җүмле кәбир голязмаларда Сениң гудратларыңы җар эдйәрлер дийип душ гелйәр.}.
3 Диййәрсиң: «Өз беллән вагтым геленде,
йүз гөрмезлик билен хөкүм чыкарарын Мен.
4 Ер ве онуң илаты титрән вагтында,
Мендирин онуң диреглерини беркиден» Села
5 Өвүнҗеңлере: «Өвүнмәң» диййән,
эрбетлере: «Гүйҗүңизе даянмаң» диййән.
6 Сиз өз кувватыңыза магтанмаң,
еңсәңизи дим-дик тутуп гүрлемәң.
7 Чүнки еңиш не гүндогардан,
не гүнбатардан, не-де чөлдендир.
8 Казылык эдйән диңе Худайдыр,
бирини песелдип, бирини бейгелдйән Олдур.
9 Чүнки кәсе Реббиң элинде,
ол гүйчли гарылып, көпүклейән шерапдан долы.
Реб газабы ве шерабы кәседен гуяр:
ер йүзүниң әхли эрбетлери,
оны лөдересине ченли ичерлер.
10 Мен болса элмыдама беян эдерин,
Якубың Худайына нагма айдарын.
11 Ол эрбетлериң әхли кувватыны сындырар,
догруларың кувватыны болса Ол беленде галдырар.