‏ Psalms 76

1Айдымчылар топарының ёлбашчысына. Едутуның мукамына лайыклыкда. Асафың мезмуры.
2Мен Худая перят эдйәрин,
мени эшидери ялы перят эдйәрин.
3Мушакгатлы гүнүмде Таңрыны агтарярын,
голларымы гиҗесине дынувсыз гөге герйәрин,
мениң җаным теселлини кабул этмейәр.
4Худайы ятлап, ахы-нала чекйәрин,
Ол хакда оя батярын, рухум ысгындан дүшйәр. Села
5Сен мениң гөзлерими укудан гойдуң,
ынҗалыкдан гачып, гүрләп билмейәрин.
6Гадымы гүнлер, көне дөвүр барада
оя батярын.
7Ятлаярын,
гиҗесине өз йүрегим билен сөхбет эдйәрин
ойланярын, рухум ичгин-ичгин чинтгейәр:
8Эйсем Таңры эбедилик рет эдәйдими?
Инди менден асла разы болмазмы?
9Эйсем сөйгүси эбедилик кесиләйдими?
Берен сөзлерини хич хачан берҗай этмезми?
10Худай мерхемет этмеги унудайдымы?
Гахарында рехим-шепагатыны бес эдәйдими? Села
11Дийдим: «Бейик Худай инди тарапымызы тутмаяр –
бу мени лапыкеч эдйәр».
12Мен Реббиң эденлерини яда саларын,
Сениң гадымы гудратларыңы ятлап гечерин.
13Әхли ишлериң барада пикир эдерин,
Сениң бейик ишлериң барада оя батарын.
14Сениң ёлуң мукаддесдир, эй, Худай,
Худайымыз ялы бейик хайсы худай бар?
15Сен гудратлары эдйән Худайсың,
Сен халклар арасында гүйҗүңи аян эденсиң.
16Сен кувватлы голуң билен Өз халкыңы:
Якубың, Юсубың несиллерини азат эйледиң. Села
17Эй, Худай, сувлар Сени гөрдүлер,
Сени гөренлеринде хедер этдилер,
дүйпсүз чуңлуклар галпылдадылар.
18Булутлар ягмыр дөкдүлер,
гөклер гүбүрдедилер,
пейкамларың чар тарапа учдулар.
19Харасат ичинде гүррүлдиңиң сеси яңланды,
йылдырымларың дүнйәни ягтыландырды,
ер титрәп, лерзана гелди.
20Сениң ёлуң деңиз ичреди,
Сениң ёдаң хайбатлы сувлар ичреди,
эмма аяк ызларың гөрүнмейәрди.
21Сен халкыңа Мусаны, Харуны чопан белледиң,
олара гоюн сүрүсине дек Сен ёл гөркездиң.