Psalms 86
1Кораның несиллерине. Мезмур. Нагма.2Реб шәхериниң биняды мукаддес даглардадыр.
Реб сөййәр Якуп халкының әхли месгенлерини,
айратын-да Сионың дервезелерини.
3Эй, Худай шәхери!
Сен хакда шөхратлы затлар айдыляр. Села
4Реб шейле диййәр:
«Өзүми танаянларың янында
Мен Рахабы ▼
▼Рахап – гадымы роваятларда душ гелйән әпет деңиз җандары. Бу ерде Мүсүр диен маныда гелйәр. Сөзлүге серет.
ве Бабылы агзайын,Пилишт, Сур, Эфиопия юртларыны ятлайын;
Диййәрлер: „Бу адам Сионда доглан“».
5Сион бабатда шейле айдылар:
«Бу адам хем, ол адам хем шу ерде доглан».
Бейик Худайың хут Өзи оны беркарар эдер.
6Реб «Бу адам Сионда доглан» дийип,
халкларың санавыны язанда белләр. Села
7«Мениң әхли гөзбашларым Сионда» дийип,
багшылар ве тансчылар бирагыздан айдарлар.
Copyright information for
TukCyr16