Psa 94 | TukCyr16 | STEP | Гелиң, Реббе нагма айдалы, халас эдйән гаямыза шатланып, айдым айдалы.

‏ Psalms 94

1 Гелиң, Реббе нагма айдалы,
халас эдйән гаямыза шатланып, айдым айдалы.
2 Шүкүрлеримиз билен хузурына баралы,
алкыш айдымларыны айдып, Оңа хешелле какалы.
3 Чүнки Реб бейик Худайдыр,
әхли худайларың бейик Шасыдыр.
4 Онуң элиндедир ер чуңлуклары,
Онуңкыдыр дагың чүр депелери.
5 Деңиз Онуңкыдыр, чүнки Ол яратды оны,
гуры ере шекил берди Онуң эллери.
6 Гелиң, сежде эдип, тагзым эдели,
бизи ярадан Реббиң өңүнде дыза чөкели.
7 Чүнки Ол бизиң Худайымыздыр,
биз Онуң өрүсиниң халкыдырыс,
Онуң элиндәки гоюнлардырыс.
Бу гүн сиз Мениң сесими эшитсеңиз:
8 «Мерибада, ол гүн Маса чөлүндәки дей,
сиз гататмаң йүрегиңизи.
9 Ол ерде аталарыңыз Мени барлады,
эденлерими гөрсе-де, Мени сынады ^{▼▼Мерибада… сынады – еврейче Мериба «дава», Маса «сынаг» диймеги аңладяр. Серет: Мср 17:1-7.}.
10 Кырк йыллап шу несли Мен йигренч сайдым.
Дийдим: „Бу халкың йүреги Менден узакдыр,
Мениң ёлларымдан йөрейән дәлдир“.
11 Шоңа гөрә, олар дынчлык меканыма гирмезлер дийип,
Өз газабымда Мен касам этдим».