Rev 15 | TukCyr16 | STEP | Шондан соң мен гөкде ене бир улы ве тәсин аламат гөрдүм: гөкде еди перишде, херсиниң элинде болса бир бела барды. Бу белалар соңкы белалар болуп, олар Худайың газабыны соңлаярдылар.

‏ Revelation of John 15

Еди перишде ве еди бела

1 Шондан соң мен гөкде ене бир улы ве тәсин аламат гөрдүм: гөкде еди перишде, херсиниң элинде болса бир бела барды. Бу белалар соңкы белалар болуп, олар Худайың газабыны соңлаярдылар. 2 Мен от билен гарышык, чүйшеден ясалан деңиз ялы бир зат гөрдүм. Онуң үстүнде җандары, онуң хейкелини ^{▼▼Кәбир голязмаларда онуң тагмасыны диен сөзлер хем бар.}, адыны аңладян саны еңенлер дурды. Оларың эллеринде Худайың берен арфалары барды. 3 Олар Худайың гулы Мусаның ве Гузының айдымыны айдярдылар: «Я Реб Хөкмүрован Худай!
Сениң ишлериң бейик, тәсиндир.
Эй, миллетлериң Шасы ^{▼▼Миллетлериң Шасы – кәбир голязмаларда Өз халкының Шасы.}!
Сениң ёлларың догры ве хакдыр.

4 Я Реб, Сенден горкмаҗак бармы? Адыңа шөхрат айтмаҗак бармы?
Чүнки мукаддес еке-тәк Сенсиң!
Әхли миллетлер хузурыңа гелерлер,
олар Саңа сежде эдерлер.
Чүнки адалатлы хөкүмлериң аян болды».

5 Мундан соң гөкдәки ыбадатхананың, ягны әхт чадырының ачыланыны гөрдүм. 6 Ыбадатханадан еди беланы гетирйән еди перишде чыкды. Оларың эгнинде тәмиз, ап-ак зыгыр лыбаслар, биллеринде болса алтындан гушаклары барды. 7 Дөрт махлугың бири еди перишдә бакы яшаян Худайың газабындан долы еди алтын кәсе берди. 8 Ыбадатхана Худайың шөхратының, гудратының түссесинден долды. Еди перишдәниң еди беласы тамамланянча, хич ким ыбадатхана гирип билмеди.