Revelation of John 8
Единҗи мөхүр
1Гузы единҗи мөхүри дөвенде, гөкде ярым сагада голай үмсүмлик болды. 2Мен Худайың өңүнде дуран еди перишдәни гөрдүм. Олара еди сурнай берилди. 3Башга бир перишде гелип, гурбанлык сыпасының өңүнде дурды. Онуң элинде алтындан гап барды. Бу перишдә көп мукдарда якымлы ыслы түтетги берилди. Ол бу түтетгини Худайың халкының дога-дилеглерине гошуп, тагтың өңүндәки алтындан ясалан гурбанлык сыпасында хөдүр этмелиди. 4Худайың халкының дога-дилеглери билен бирликде якымлы ыслы түтетгиниң түссеси перишдәниң элинден Худайың хузурына тарап ёкары гөтерилди. 5Перишде габы алып, оны гурбанлык сыпасындакы отдан долдурды-да, оны гөкден ере зыңды. Шонда гөк гүрләп, гүңлеч гүррүлди эшидилди, йылдырым чакып, ер титреди.Еди сурнай
6Онсоң еди перишдәниң херси элиндәки сурнайы чалмага тайярландылар. 7Биринҗи перишде сурнайыны чалды. Ган гатышыклы долы ве от дөрәп, ер йүзүне дөкүлди. Ериң үчден бири ▼▼Ериң үчден бири – бу сөзлер кәбир голязмаларда ёк.
, агачларың үчден бири, гөк отларың бары янып көйди. 8Икинҗи перишде сурнайыны чалды. Шонда алавлап янян әпет даг ялы бир зат деңзе зыңылды. Деңзиң сувуның үчден бири гана өврүлип, 9онда яшаян җанлы-җандарларың үчден бири гырылды, гәмилериң үчден бири хеләк болды. 10Үчүнҗи перишде сурнайыны чалды. Гөкден алавлап янян от ялы әпет бир йылдыз деряларың үчден бириниң үстүне, сув гөзбашларына гачды. 11Ол йылдызың ады Ёвшандыр. Сувларың үчден бири аҗады. Аҗы сувдан ичен адамларың энчемеси өлди. 12Дөрдүнҗи перишде сурнайыны чалды. Гүнүң үчден бир бөлегине, Айың үчден бир бөлегине, йылдызларың үчден бир бөлегине зарба урлуп, оларың үчден бир бөлеги гаралды. Нетиҗеде, гүндизиң ве гиҗәниң үчден бир бөлеги ягтысыз галды. 13Соңра мен гөкде учуп йөрен бүргүди ▼▼Бүргүди – кәбир голязмаларда перишдәни.
гөрдүм. Онуң батлы сес билен шейле диййәнини эшитдим: «Сурнай чалҗак бейлеки үч перишдәниң сурнайының сесинден яңа ер йүзүнде яшаянларың гүнүне вай-вай-вай!»
Copyright information for
TukCyr16