Romans 10
1Эй, доганлар, ысрайыл халкының халас болмагы мениң көңүл күйсегимдир. Мен бу хакда элмыдама Худая дога-дилег эдйәрин. 2Чүнки Худайың буйрукларыны берҗай этмекде оларың дийсең ыхласлыдыгына өзүм дири шаят. Эмма шейле ыхласлы болсалар-да, оларың Худай хакда хакыкы билими ёк. 3Олар Худайың догрулыгына дүшүнмедилер. Шонуң үчин-де, Мусаның Кануныны берҗай этмек аркалы акланҗак болуп, Худайың догрулыгына табын болмадылар. 4Иса Месих болса бу Кануның максадыны амала ашырды. Шонуң үчин-де, Оңа иман эдйән хер кес Худай тарапындан акланандыр. 5 aКануна даянян догрулык барада Муса шейле язяр: «Оны берҗай эдйән адам аман галар». 6– 7 bИмана даянян догрулык барада, болса ол шейле диййәр: «„Ол ере ким чыкар?“, (ягны Месихи гөклерден индирмек үчин), „Дүйпсүз чукура ким инер?“, (ягны Месихи дирелтмек үчин) – дийип, өз-өзүңден сорама». 8 cШейле-де, имандан болан догрулык: «Бу сөз саңа якындыр, ол сениң агзыңда ве йүрегиңдедир» диййәр. Бу сөз болса бизиң вагыз эдйән иманымыз хакдакы хабардыр. 9Шоңа гөрә-де, эгер сен агзың билен Иса Месихиң Ребдигини ыкрар этсең, Худайың Оны өлүмден дирелденине йүрекден иман этсең, халас боларсың. 10Чүнки чын йүрекден иман эдйән адам акланар, агзы билен ыкрар эдйән хем халас болар. 11 dМукаддес Язгылар хем: «Оңа бил баглан утандырылмаз» диййәндир. 12Бу яхудылара-да, бейлеки миллетлере-де дегишлидир. Себәби хеммелериң Ребби бирдир, Ол Өзүни чагырянларың барына сахыдыр. 13 eЧүнки: «Ребби чагыран хер бир ынсан халас болар». 14Йөне адамлар Худая иман этмеселер, Оны нәдип чагырсын? Худай барада эшитмеселер, Оңа нәдип иман этсин? Худай барада вагыз эдилмесе, адамлар Ол барада нәдип эшитсин?! 15 fЭгер вагызчылар иберилмесе, нәдип вагыз эдилсин? Вагызчылар барада Мукаддес Язгыларда шейле язылгыдыр: «Хош Хабары ыглан эдйәниң гелши не гөзелдир!». 16 gЙөне бу хабары хеммелер кабул этмеди. Ишая хем бу барада: «Я Реб, бизиң хабарымыза ким ынанды?» дийип сораяр. 17Шунлукда, иман эшитмекден, хава, Иса Месих хакдакы Хош Хабары эшитмекден дөрейәндир. 18 hЙөне мен шуны сорамакчы: эйсем ысрайыл халкы Хош Хабары эшитмедими? Элбетде, эшитди, себәби Мукаддес Язгыларда шейле язылгыдыр: «Тутуш ер йүзүне яйрандыр олаң овазы,дүнйәниң дөрт күнҗегине – олаң сөзлери».
19 iИнди шуны хем сорайын: я ысрайыл халкы дүшүнмедимикә? Элбетде дүшүнди, себәби Худай Муса аркалы олара: «Мен хем миллет болмадыклар билен сени габандырарын,
акмак бир халк билен оларың гахарыны гетирерин»
дийипди. 20 jИшая хем: «Мени агтармаянлар Мени тапдылар,
Мени сорамаянлара Өзүми аян этдим»
дийип, Реббиң сөзлерини батыргайлык билен мәлим эдйәр. 21Ысрайыл хакда болса Реб: «Мен питнечи ве өздиенли халка гүнузын эллерими узадып отырын» дийип айдяр.
Copyright information for
TukCyr16