Romans 12
Худай үчин яшамак
1Шоңа гөрә-де, эй, доганлар, Худайың мерхеметиниң хатырасы үчин сизе ялбарярын: өзүңизи Онуң халаҗак дири ве мукаддес гурбанлыгы хөкмүнде хөдүрләң. Шейтсеңиз, Худайың хузурында мынасып тәрде хызмат этдигиңиз болар. 2Бу дүнйәниң йөрелгелерине уйгунлашҗак болмаң. Терсине, пикирлериңизи тәзеләп, өзгериң. Шейтсеңиз, Худайың ислегине дүшүнмеги, ягны Оны нәмәниң хошал эдйәндигини, нәмәниң оңат ве кәмилдигини билмеги башарарсыңыз. 3Өзүме берлен мерхеметден пейдаланып, сизиң хеммәңизе шулары диййәрин: өзүңизе ёкары баха бермәң. Терсине, Худайың хер киме берен иманына гөрә өзүңиз бабатда сагдын дүшүнҗели болуң. 4Беденимизи мысал хөкмүнде алалың: ол бир болса-да, агзалары көпдүр, херсиниң-де өз хызматы бардыр. 5Биз бабатда хем шейле: көп болсак-да, Месих аркалы бир бедендирис, онуң агзалары хөкмүнде бири-биримизе баглыдырыс. 6Бизе берлен мерхемете гөрә, хер биримизиң дүрли рухы пешгешлеримиз бардыр. Шонуң үчин-де, ким пыгамберлик пешгешини алан болса, гой, өзүне берлен имана гөрә пыгамберлик этсин. 7Эгер хызмат болса, гой, хызмат этсин; өвредиҗи болса, гой, өвретсин. 8Эгер несихатчы болса, несихат берсин; мәтәчлере хайыр-сахават эдиҗи болса, муны сахылык билен этсин. Эгер баштутанлык берлен болса, муны ыхлас билен ерине етирсин, рехим-шепагат этмеклик берлен болса, муны гөвүнҗеңлик билен этсин.Доганлык сөйгүси
9Сөйгиңиз икийүзли болмасын. Яманлыгы йигренип, ягшылыга япышың. 10Бири-бириңизи доганлык сөйгүси билен түйс йүрекден сөйүң. Бири-бириңизи хорматлап, башгалары өзүңизден ёкары тутуң. 11Ыхласыңыз говшамасын, Мукаддес Рухуң берйән хыҗувы билен Реббе хызмат эдиң. 12Умыдыңызың бардыгына бегениң, мушакгатлара чыдамлы болуң, дога-дилегде эрҗел болуң. 13Имандакы доганларыңыз мәтәчлик чексе, олара көмек бериң, мыхмансөер болуң. 14Өзүңизе азар берйәнлере гаргамаң, терсине, олар үчин ягшылык диләң. 15Шатланянларың шатлыгына шатланың, аглаянларың агысына аглаң. 16Бири-бириңиз билен оңшуклы болуң. Текепбир болмаң, сада адамлар билен дост болуң, өзүңизи бейлекилерден акыллы саймаң. 17Яманлыга яманлык этмәң, терсине, хеммелере ягшылык этмәге ымтылың. 18Оңардыгыңыздан хеммелер билен парахат яшаҗак болуң. 19 aЭй, эзизлерим, өзүңиз ар алҗак болмаң, муны Худая табшырың. Себәби Реб: «Өч Мениңкидир, җезаландырҗак Мендирин» диййәр. 20 bГайтам Мукаддес Язгыларда языланлары берҗай эдиң: «Душманың ач болса, оңа нан бер,сувсан болса, сув бер.
Шонда онуң башына көз гоярсың».
21Яманлык сенден үстүн гелмесин, терсине, ягшылык эдип, яманлыкдан үстүн бол.
Copyright information for
TukCyr16