‏ Song of Solomon 1

Сүлейманың нагмалар нагмасы

Гыз: 1Додаклары билен, гой, мени өпсүн!
Чүнки шерапдан датлыдыр сөйгиң!
2Мүшки-анбарларың ненеңси хошбой,
адың-да дөкүлен атыр дей,
шонуң үчин гызлар сөййәрлер сени.
3Мени өзүң билен алай, ховлугалы.
Шазадам мени ички отагына гетирди.
Гызың бойдашлары: Сениң үчин шатланалы ве гуваналы;
шерапданам зыяда тарыплалы сениң ышкыңы.
Гыз: Сен оларың сөйгүсине мынасып!

4Эй, Иерусалим гызлары,
гараягыз-да болсам, гөрмегейдирин,
гара мен Кедарың чадырлары дей,
овадан мен Сүлейманың перделери дей.
5Гараягызлыгыма бакмаң,
Гүн гаралтды мени.
Энемиң огуллары маңа гахарландылар;
үзүм багына мени сакчы гойдулар,
йөне өз үзүм багыма бакып билмедим.
6Эй, көңлүмиң ашыгы, айтсана маңа,
ниреде бакяң сүриңи?
Гүнорта чагы олара ниреде дынч берйәң?
Ёлдашларыңың сүрүлериниң янында
нәме үчин сергездан зенан дек болайын?
Йигит: 7Эй, гөзеллериң солтаны!
Эгер билмесең,
сүриниң ызы билен гит,
чопанларың чадырының янында
овлакларыңы бак.
8Фараоның сөвеш арабасына гошулан
байтала меңзедйән сени,
эй, мениң магшугым!
9Шелпели яңакларың,
хүнҗүли бойнуң не гөзел!
10Күмүш дүвмели
тылла шелпелер ясарыс саңа.
Гыз: 11Шазадам супрасында отырка,
нард атырым хошбой ысыны сачды.
12Ашыгым мениң үчин
гөвүслеримиң арасында ятян
мүр ▼

▼Мүр – якымлы ыслы өсүмлик. Сөзлүге серет.

богдаҗыгыдыр.
13Ашыгым мениң үчин
Эйнгеди үзүм багларындакы
хына гүллериниң чогдамыдыр.
Йигит: 14Сен ненеңси гөзел,
Сөйгүли дилдарым, мениң!
Сен ненеңси гөзел,
гөгерчин гөзлим!
Гыз: 15Гөр, нәхили сыратлы сен,
эй, мениң сөйгүли ярым,
ненеңси хошрой сен!
Гөк майсалыкдыр ятян еримиз.
16Кедрдендир диреглери өймүзиң,
арчадандыр үчеги.