Song 7 | TukCyr16 | STEP | Долан, эй, шуламлы гыз, долан! Долан, саңа бакалы, долан. Йигит: Ики топарың тансына томаша эдйән дей, шуламлы гыза бакҗаксыңыз нәме үчин?

‏ Song of Solomon 7

Гызың бойдашлары:

1 Долан, эй, шуламлы гыз, долан! Долан, саңа бакалы, долан.
Йигит: Ики топарың тансына томаша эдйән дей,
шуламлы гыза бакҗаксыңыз нәме үчин?
2 Не гөзел чарыклы аякларың,
эй, асылзада гызы!
Бутларың өкде зергәриң
элинден чыкан гөвхер мысалы.
3 Гарышык шераплы хич эгсилмез
ша кәсе мысалыдыр гөбегиң.
Гарның чигилдемлере гушанан
бугдай топбагына меңзейәр.
4 Экиз җерен
овлагына огшаяр ики гөвсүң.
5 Бойнуң пил сүңкүнден эдилен диң дей,
гөзлериң Батраббим дервезесиниң
янындакы Хешбон ховузлары дей.
Бурнуң Дамаска бакып дуран
Ливан диңи дей.
6 Башың Кармел дагы дей дик болуп,
зүлплериң беневшедир,
ша олара бенди болды.
7 Сен ненеңси гөзел, ненеңси хошрой,
эй, мылакатлы дилдарым!
8 Боюң серви агаҗына,
гөвүслериң үзүм салкымларына меңзейәр.
9 Серви агаҗына чыкып,
шахаларындан япышайын дийдим.
Гөвүслериң үзүм салкымлары дей,
демиң алмалар дей хошбой,
10 Додакларың сайлама шерап дей леззет эчилсин.
Гыз: Шерап ярым үчин аксын,
уклап ятанларың додакларындан сүзүлсин.
11 Мен ярымыңкы,
ол маңа майыл.
12 Эй, ярым,
гиң сәхра чыкалы, гел;
гел, оба гиҗелерине сейил эдели.
13 Ир сәхер үзүм багларына гидели,
гөрели, гунчалапмы,
гүлләпми үзүм,
хем-де нар.
Шол ерде ышкымы багыш эдерин саңа.
14 Мандрагораларың ^{▼▼Мандрагора – сөйги хыҗувыны артдырян өсүмлик.} ысы барк уряр,
гапымызда тәзе хем гурадылан
дүрли сайлама мивелер бар,
олары сең үчин сакладым, эй, ярым.