Song of Solomon 8
1Кәшгә энемиң гөвсүнден эмен агам дей болсадың маңа!Дашарда душанымда, өпердим сени,
хич ким мени язгармазды.
2Өңүңе дүшүп,
энемиң өйүне гетирердим сени,
өвүт берердиң сен маңа.
Хошбой ыслы шерапдан,
энарларымың сувундан ичирердим саңа.
3Сол эли келләмиң астында,
Гуҗаклаяр мени саг эли билен.
4Эй, Иерусалим гызлары,
сизе ялбарярын:
өзи ислейәнчә
ышкы оярмаң, бирахатландырмаң!
Гызың бойдашлары: 5Ярына сөенип,
чөлден чыкып гелйән ким?
Гыз: Алма агаҗының астында оярдым сени.
Энең шол ерде дүнйә индерди сени,
ол шол ерде агыры чекип, догурды сени.
6Йүрегиңде,
голуңда сакла мени мөхүр дей;
чүнки ышк өлүм дей гүйчли,
габанҗаңлык габыр дей ёвуз.
Ышкың ялны отлы ялындыр,
ловлаян ялындыр ол.
7Ышкы не бол сувлар сөндүрер,
не-де дерялар оны гарк эдип билер.
Ынсан ышк үчин бары-ёгуны берсе-де,
ол йигренч билен рет эдилерди.
Гызың бойдашлары: 8Кичи уям бар,
мәмелери хениз төзленмедик,
уямыза сөз айдылан гүни
онуң үчин нәме эдерис?
9Дивар болан болсады ол,
үстүнде күмүш диңлер гурардык,
гапы болан болсады,
оны кедр агаҗына гаплардык.
Гыз: 10Мен бир дивар,
гөвүслерим-де диңлер дей.
Шоңа гөрә ярымың гөзүне
кәмил гөрүнйән мен.
11Сүлейманың Багалхамонда
үзүм багы барды,
оны сакчылара табшырды ол;
херси хасыл үчин
мүң күмүш теңңе бермелиди.
12Мениң-де үзүм багым өзүмиңкидир;
эй, Сүлейман, мүң теңңе сениңки болсун,
ики йүз күмүш хасылың сакчыларыныңкы болсун!
Йигит: 13Эй, багларда месген тутан!
Ёлдашларым овазыңы диңлейәрлер;
мен-де овазыңы эшидейин.
Гыз: 14Ылга, эй, ярым!
Барк урян дагларың үстүнде
җерен дей, кейик овлагы дей болгун.
Copyright information for
TukCyr16