2Ch 3:15-5:1 | TukCyr16 | STEP | Ол өйүң өңүнде бейиклиги отуз бәш тирсек болан ики саны сүтүн ясады. Хер сүтүниң ёкарсында бәш тирсек болан тәч барды.

‏ 2 Chronicles 3:15-17

Ики сүтүн

(1 Патышалар 7:15-22)

15 Ол өйүң өңүнде бейиклиги отуз бәш тирсек болан ики саны сүтүн ясады. Хер сүтүниң ёкарсында бәш тирсек болан тәч барды. 16 Тор шекилли өрме зынҗырлар ясалып, хер сүтүниң депеси олар билен безеленди. Сүлейман йүз саны нар ясап, олары зынҗырларың үстүнде гойды. 17 Ол сүтүнлери өйүң өңүнде дикди. Ол гүнортада сүтүн дикип, оны Якин дийип атландырды. Бейлекисини демиргазыкда дикип, оны Боваз дийип атландырды.

‏ 2 Chronicles 4

Өйүң гошлары

(1 Патышалар 7:23-51)

1 Сүлейман узынлыгыны ве инини йигрими тирсек, бейиклигини он тирсек эдип, бүрүнчден гурбанлык сыпасыны ясатды. 2 Соңра ол бир гырасындан бейлеки гырасына ченли он тирсек, бейиклигини бәш тирсек эдип, гуйма бүрүнчден тегелек ховуз ясады. Онуң төвереги отуз тирсекди. 3 Ховзуң эрңегиниң ашагында дашына айланан, херси он тирсек болан ики хатар өкуз шекилли гуйма нагышлар барды. Олар ховуз билен биле гуйлуп ясаланды. 4 Ховуз он ики өкүзиң үстүнде дурды; өкүзлериң үчүси демиргазыга, үчүси гүнбатара, үчүси гүнорта, галан үчүси хем гүндогара бакып дурды. Ховуз оларың үстүнде ерлешдирилип, өкүзлериң аркасы ич тарапа бакып дурды. 5 Ховзуң галыңлыгы дөрт бармак болуп, эрңеги кәсәниң эрңеги ялы ачылан лилия гүлүниң шекилиндеди. Ол бир мүң элли хум ^{▼▼Бир мүң элли хум – еврейче үч мүң бат. Бу такм. 66000 литре деңдир.} тутярды. 6 Шейле хем ол затлары ювар ялы он саны бүрүнч леген ясады. Оларың бәшисини гүнорта тарапда, бейлеки бәшисини демиргазык тарапда гойды. Бу легенлерде якма гурбанлык үчин уланылан затлар ювулды. Ховуз руханыларың ювунмагы үчинди. 7 Ол берлен нусга гөрә, сап алтындан он саны чыраданы ясап, оларың бәшисини ыбадатхананың гүнорта тарапында, бейлеки бәшисини-де демиргазык тарапында гойды. 8 Ол он саны хантагта ясап, олары ыбадатханада – бәшисини гүнорта тарапда, бейлеки бәшисини-де демиргазык тарапда гойды. Ол йүз саны алтын леген ясады. 9 Ол руханыларың ховлусыны, улы ховлыны ве ховлының гапыларыны ясап, олары бүрүнҗе гаплады. 10 Ховзы өйүң саг тарапында – гүнорта-гүндогар бурчунда ерлешдирди. 11 – 12 – 13 – 14 – 15 Хурамабы шейле хем, газанлар, күл атарлар ве легенлер ясады. Булардан башга-да, ол ики сүтүни, сүтүнлериң депесиндәки җам шекилли ики тәҗи, шол тәчлери безәп дуран ики саны өрме зынҗыры, шол зынҗырлара ики хатар эдип дакмак үчин дөрт йүз саны нары, арабалары, арабаларың үстүндәки легенлери, бир саны ховзы хем-де ховзуң астындакы он ики өкүзи ясады. Шейдип, Хурамабы Худайың өйүнде Сүлейман патыша үчин этмели ишлериниң барыны тамамлады. 16 Газанлар, күл атарлар, чаршаклар ве Хурамабының Реббиң өйи үчин Сүлейман патыша ясап берен энҗамлары ялпылдавук бүрүнчденди. 17 Патыша булары Иордан дүзлүгинде, Сукот билен Саретаның арасындакы тоюн топраклы ерде гуйдурды. 18 Сүлейман уммасыз көп гап-гачлары ясатды, шоңа гөрә сарп эдилен бүрүнҗиң аграмы аныкланмады. 19 – 20 – 21 – 22 Шейдип, Сүлейман Худайың өйүндәки әхли энҗамлары: алтындан эдилен сыпаны, үстүнде Реббе хөдүр чөреги гоюлян хантагтасыны, дүзгүн боюнча иң мукаддес отагың өңүнде якмак үчин сап алтын чыраданлары чыралары билен, сап алтын гүллери, чыралары, әтишгирлери, сап алтын мүченеклери, пелте гайчысыны, легенлери, җамлары, маңңаллары ясатды. Өйүң гирелгеси – иң мукаддес отагың хем-де өйүң мукаддес отагының гапылары алтынды.

‏ 2 Chronicles 5:1

Сүлейман Әхт сандыгыны ыбадатхана гетирдйәр

(1 Патышалар 8:1-9)

1 Шейдип, Сүлейман патышаның Реббиң өйи үчин этмели әхли ишлери тамамланды. Сүлейман какасы Давут тарапындан өе багыш эдилен әхли затлары: күмши, алтыны ве әхли энҗамлары гетирип, Худайың өйүндәки хазынада гойды.