Ezr 1:1-4 | TukCyr16 | STEP | Парс патышасы Курешиң патышалыгының биринҗи йылында Ермея аркалы аян эдилен Реббиң сөзүниң амала ашмагы үчин, Реб Куреш патышаның шейле перман чыкарып, оны тутуш патышалыгына җар этмеги онуң калбына салды:

‏ Ezra 1:1-4

Куреш патыша яхудалара юрдуна доланмага ругсат берйәр

1 Парс патышасы Курешиң патышалыгының биринҗи йылында Ермея аркалы аян эдилен Реббиң сөзүниң ^{▼▼Ермея аркалы аян эдилен Реббиң сөзүниң – серет: Ерм 25:11-14; 29:10-11.} амала ашмагы үчин, Реб Куреш патышаның шейле перман чыкарып, оны тутуш патышалыгына җар этмеги онуң калбына салды:

2 «Парс патышасы Куреш шейле диййәр: „Гөгүң Худайы Реб ер йүзүндәки әхли патышалыклары маңа берди ве Яхуданың Иерусалим шәхеринде Өзүне ыбадатхана гурмагы маңа эмр этди. 3 Араңызда Худайың халкындан боланыңыз бар болса, гой, Худайы онуң билен болсун. Олар Яхуданың Иерусалим шәхерине гитсин-де, Ысрайыл Худайы Реббе – Иерусалимдәки Худая ыбадатхана гурсун. 4 Ким ниреде галан болса, шол ериң илаты олара Иерусалимдәки Худайың өйи үчин берҗек мейлетин садакаларындан дашары алтын, күмүш, эмләк ве мал-гара билен ярдам этсин“».