Gen 36:31-43 | TukCyr16 | STEP | Ысрайыллара хич бир патыша шалык этмезден өң Эдом юрдунда хөкүм сүрен патышалар шу ашакдакылардыр.

‏ Genesis 36:31-43

Эдом патышалары

31 Ысрайыллара хич бир патыша шалык этмезден өң Эдом юрдунда хөкүм сүрен патышалар шу ашакдакылардыр. 32 Бегорың оглы Бала Эдомда патышалык этди. Онуң пайтагт галасының ады Динхабады. 33 Бала дүнйәден өтүп, онуң ерине Босра галасындан болан Зераның оглы Ёбап патыша болды. 34 Ёбап дүнйәден өтүп, онуң ерине тейманлы Хушам патыша болды. 35 Хушам дүнйәден өтүп, онуң ерине Мовап топрагында мидянлары еңен, Бедатың оглы Хадат патыша болды. Онуң пайтагт галасының ады Авытды. 36 Хадат дүнйәден өтүп, онуң ерине масрекалы Самла патыша болды. 37 Самла дүнйәден өтүп, онуң ерине Евфрат дерясының боюндакы Рехоботдан болан Шавул патыша болды. 38 Шавул дүнйәден өтүп, онуң ерине Акборың оглы Багалханан патыша болды. 39 Акборың оглы Багалханан дүнйәден өтенден соң онуң ерине Хадар патыша болды. Ол Пагу галасынданды. Хадарың аялының ады Мехейтабелди. Ол Матредиң гызы, Мейзахабың агтыгыды.

40 – 41 – 42 – 43 Уруглары, юртда месген тутян ерлери хем атлары боюнча Ысавдан дөрән эдом уругбашылары шулардыр: Тимна, Алва, Етет, Охолыбама, Эла, Пинон, Кеназ, Тейман, Мибсар, Магдыел, Ирам. Бу уругларың хеммеси Ысавдан дөредилер.