Joe 2:28-32 | TukCyr16 | STEP | «Шондан соң Мен хер бир ынсан үстүне Өз Рухумы дөкерин. Пыгамберлик эдер огулдыр гызларыңыз, дүйшлер гөрер гаррыларыңыз, аянлык аларлар йигитлериңиз.

‏ Joel 2:28-32

Реббиң гүни

28 «Шондан соң Мен хер бир ынсан үстүне
Өз Рухумы дөкерин.
Пыгамберлик эдер огулдыр гызларыңыз,
дүйшлер гөрер гаррыларыңыз,
аянлык аларлар йигитлериңиз.
29 Шол гүнлерде Мен хатда гуллардыр гырнакларың үстүне,
Өз Рухумы сув кимин дөкерин.

30 Мен асманда ве ерде аламатлар: ган, от хем-де түссе сүтүнлерини гөркезерин. 31 Реббиң бейик ве газаплы гүни гелмезден озал, Гүн түмлүге, Ай хем гана дөнер. 32 Шонда Ребби чагыран хер бир ынсан халас эдилер, чүнки Реббиң айдышы ялы, гачып гутуланлар Сион дагында ве Иерусалимде болар, аман галанларың арасында Реббиң чагыранлары-да болар».