Joh 1:19-28 | TukCyr16 | STEP | Ине, яхудыларың баштутанлары Иерусалимден руханылары ве левилери Яхяның янына ибердилер. Олар Яхядан: «Сен ким?» дийип сорадылар. Яхя сөзүни инкәр этмеди,

‏ John 1:19-28

Яхя чүмдүриҗиниң шаятлыгы

(Матта 3:1-12; Марк 1:1-8; Лука 3:1-18)

19 Ине, яхудыларың баштутанлары Иерусалимден руханылары ве левилери Яхяның янына ибердилер. Олар Яхядан: «Сен ким?» дийип сорадылар. Яхя сөзүни инкәр этмеди, 20 ол шаятлык эдип: «Мен Месих дәл» дийип, чүрт-кесик ыкрар этди. 21 Олар ондан: «Онда сен ким? Белки, Ыляссың?» дийип сорадылар. Яхя: «Ёк» дийип җогап берди. Олар ене-де: «Онда шол гарашылян пыгамбермиң?» дийип сорадылар. Ол: «Ёк, ол дәл» дийип җогап берди. 22 Ахыры олар: «Онда сен ким? Биз өзүмизи ёлланлара нәме җогап берели? Сен өзүң хакда нәме айдып билҗек?» дийип сорадылар. 23 ^aЯхя Ишая пыгамбериң сөзлери билен җогап берип: «Ине, „Реббиң ёлуны дүзләң“дийип, чөлде гыгырян сес мендирин» дийди. 24 – 25 Онсоң онуң янына иберилен кәбир фарисейлер: «Сен Месихем, Ылясам, гарашылян пыгамберем дәл болсаң, онда нәме үчин адамлары сува чүмдүрйәрсиң?» дийип сорадылар. 26 Яхя олара: «Хава, мен адамлары сува чүмдүрйәрин, эмма араңызда Бири бар, сиз Оны танамаярсыңыз. 27 Ол менден соңра гелҗекдир. Мен Онуң чарыгының багыны чөзмәге-де мынасып дәлдирин» дийип җогап берди. 28 Бу вакаларың хеммеси Иордан дерясының гүндогарындакы Бейтанияда, Яхяның сува чүмдүрйән еринде болуп гечди.