John 12:12-19
Иса Иерусалиме улы дабара билен гирйәр
(Матта 21:1-11; Марк 11:1-11; Лука 19:28-40)
12Эртеси гүн байрамчылыга гелен улы мәхелле Исаның Иерусалиме гелйәнини эшитди. 13 aАдамлар палма шахаларыны алып, Оны гаршыламага чыкдылар. Олар шейле дийип гыгырышярдылар: «Худая өвгүлер болсун! Реббиң адындан Гелйәне алкыш болсун! Ысрайыл Патышасына алкыш болсун!» 14– 15 bЭдил Мукаддес Язгыларда: «Горкма, эй, Сион гызы! Ине, Патышаң тайхара мүнүп гелйәр» дийип язылышы ялы, Иса бир тайхар тапып мүнди. 16Шәгиртлери шол вагт бу затлара дүшүнмедилер. Эмма Иса шөхратландырыландан соңра бу сөзлериң Ол хакында языландыгы ве өзлериниң муны язылышы ялы эдендиклери оларың ятларына дүшди. 17Иса Лазары мазардан чагырып дирелденде, көп мәхелле бу ваканы гөрди. Инди олар бу хакда хеммелере гүррүң берйәрдилер. 18Шонуң үчин Исаның гөркезен бу гудраты барада эшиден көп адамлар Оны гаршыламага чыкдылар. 19Шейлеликде, фарисейлер бири-бирине: «Гөрйәңизми, элимизден хич зат гелмейәр. Бүтин дүнйә Онуң ызына эерди!» дийишйәрдилер.
Copyright information for
TukCyr16