Joh 19:38-42 | TukCyr16 | STEP | Онсоң Исаның шәгирди болан, йөне яхудылардан горкуп, муны яшырып йөрен ариматиялы Юсуп Онуң җеседини хачдан дүшүрип алмага Пилатдан ругсат сорады. Пилат оңа ругсат берди. Ол барып, Исаның җеседини хачдан дүшүрип алды.

‏ John 19:38-42

Иса җайланяр

(Матта 27:57-61; Марк 15:42-47; Лука 23:50-56)

38 Онсоң Исаның шәгирди болан, йөне яхудылардан горкуп, муны яшырып йөрен ариматиялы Юсуп Онуң җеседини хачдан дүшүрип алмага Пилатдан ругсат сорады. Пилат оңа ругсат берди. Ол барып, Исаның җеседини хачдан дүшүрип алды. 39 Озал гиҗәниң ичинде Исаның янына баран Никодим хем Юсуп билен биледи. Никодим җеми аграмы ики пут ^{▼▼Ики пут – грекче йүз лытра. Бу такм. 30 кг деңдир.} болан гарышык мүр билен алоэ алып гелди. 40 Ол икиси Исаның җеседини гетирип, яхудыларың җайлама адаты боюнча Оны якымлы ыслы яг сепилен кепене доладылар. 41 Исаның хача чүйленен еринде бир баг барды. Ол багда хениз хич ким җайланмадык бир тәзе мазар барды. 42 Шол гүн яхудыларың Сабат гүнүне тайярлык гүнүди. Шонуң үчин мазар голай болансоң, Исаның җеседини шол мазарда гойдулар.