Luk 19:28-40 | TukCyr16 | STEP | Иса булары айдып болансоң, ёлуны довам этдирип, Иерусалиме тарап уграды.

aЗеб 117:25.

‏ Luke 19:28-40

Иса Иерусалиме улы дабара билен гирйәр

(Матта 21:1-11; Марк 11:1-11; Ёханна 12:12-19)

28 Иса булары айдып болансоң, ёлуны довам этдирип, Иерусалиме тарап уграды. 29 Ол Зейтун дагының этегиндәки Бейтфаҗы билен Бейтания голайланда, ики шәгирдини ёллап, олара: 30 «Өңүңиздәки оба барың. Оба гирен ериңизде даңылгы дуран бир тайхар тапарсыңыз, онуң үстүне шу вагта ченли хич ким мүнен дәлдир. Оны чөзүң-де, бәри алып гелиң. 31 Эгер бири сизден: „Нәме үчин оны чөзйәрсиңиз?“дийип сораса, оңа: „Бу тайхар Реббе герек“дийиң» дийди. 32 Ёллананлар гидип, барыны Онуң айдышы ялы тапдылар. 33 Тайхары чөзүп дуркалар, онуң эелери: «Тайхары нәме үчин чөзйәрсиңиз?» дийип сорадылар. 34 Олар хем: «Бу тайхар Реббе герек» дийдилер. 35 Тайхары Исаның янына гетирип, үстүне донларыны атдылар-да, Исаны оңа мүндүрдилер. 36 Ол гидип барярка, адамлар донларыны ёла дүшейәрдилер. 37 Иса Зейтун дагындан ашак инйән ёла голайланда, шәгиртлериң хеммеси гөрен әхли гудратларына шатланып, батлы сеслери билен Худайы шөхратландырмага башладылар. 38 ^aОлар: «Реббиң адындан патыша алкыш болсун! Гөклерде парахатлык, иң белентликде шан-шөхрат болсун!» диййәрдилер. 39 Мәхелләниң арасындан кәбир фарисейлер Иса: «Мугаллым! Шәгиртлериңиң агзыны юмдур!» дийдилер. 40 Эмма Ол: «Сизе айдярын: олар дымса, дашлар гыгырышар» дийди.