Luk 4:1-13 | TukCyr16 | STEP | Иса Мукаддес Рухдан долуп, Иордан дерясындан ызына доланды. Мукаддес Рух Оны чөле алып гитди.

‏ Luke 4:1-13

Иса сыналяр

(Матта 4:1-17; Марк 1:12-15)

1 Иса Мукаддес Рухдан долуп, Иордан дерясындан ызына доланды. Мукаддес Рух Оны чөле алып гитди. 2 Иса ол ерде кырк гүнләп иблис тарапындан сынага салынды. Шол гүнлериң довамында Ол хич зат иймеди, кырк гүнден соң болса аҗыкды.

3 Иблис Оңа: «Эгер Сен Худайың Оглы болсаң, бу дашың чөреге өврүлмегини буюр» дийди. 4 ^aИса: «„Ынсан диңе чөрек билен яшамаяр“дийип язылгыдыр» дийип җогап берди.

5 Соңра иблис Исаны бир белент ере чыкарып, Оңа дүнйәниң әхли шалыкларыны гөркезди. 6 Иблис Иса: «Мен буларың әхлисиниң хөкүмдарлыгыны ве шан-шөхратыны Саңа берейин. Булар маңа берилди, мен хем оны исләниме берип билйәрин. 7 Шонуң үчин Сен маңа сежде этсең, буларың бары Сениңки болар» дийди. 8 ^bИса оңа: «„Худайыңыз Реббе сежде эдиң, диңе Оңа гуллук эдиң“дийип хем язылгыдыр ^{▼▼Кәбир голязмаларда Ёк бол, шейтан! диен җүмле хем бар.}» дийип җогап берди.

9 Соңра иблис Исаны Иерусалиме гетирди. Оны ыбадатхананың чүр депесине чыкарып: «Эгер Сен Худайың Оглы болсаң, Өзүңи шу ерден ашак окла. 10 – 11 ^dЧүнки шейле язылгыдыр: „Сени берк горамак үчин,
Ол перишделерине Сен бабатда эмр эдер.
Аягың даша бүдремез ялы,
олар Сени эллеринде гөтерер“» дийди.

12 ^eИса оңа: «„Худайыңыз Ребби сынамаң“дийип хем язылгыдыр» дийип җогап берди.

13 Иблис Исаны сынагларың хеммесинден гечирип гутарандан соң, аматлы пурсат гелйәнчә, Онуң янындан гитди.