Mark 12:28-34
Иң ваҗып табшырык
(Матта 22:34-40; Лука 10:25-28)
28Голая гелип, оларың чекишмелерини эшиден Төврат мугаллымлардан бири Исаның олара җайдар җогап беренини гөрүп, Ондан: «Хайсы табшырык иң ваҗып табшырык?» дийип сорады. 29 aИса: «Иң ваҗып табшырык шудур: эй, ысрайыл халкы, гулак гой. Худайымыз Реб еке-тәк Ребдир. 30Худайыңыз Ребби тутуш йүрегиңиз, әхли дүшүнҗәңиз хем гүйҗүңиз билен җан-тенден сөйүң. 31 bИкинҗиси-де шудур: якыныңы өзүңи сөйшүң ялы сөй! Булардан улы табшырык болмаз» дийип җогап берди. 32Ол адам Оңа: «Сениңки догры, эй, Мугаллым! Сен хакыкаты сөзледиң. Худай еке-тәкдир, Ондан башгасы ёкдур. 33Оны тутуш йүрегиң хем акылың билен ве әхли гүйҗүң билен сөймеклик, якыныңы өзүңи сөйшүң ялы сөймеклик якма гурбанлыкларың, бейлеки гурбанлыкларың хеммесинден хас мөхүмдир» дийди. 34Иса онуң пайхаслы җогап беренини гөрүп: «Сен Худайың Шалыгындан узакда дәлсиң» дийди. Шондан соң Оңа мундан артык сораг бермәге хич ким милт этмеди.
Copyright information for
TukCyr16