Mar 13:24-31 | TukCyr16 | STEP | Эмма шол гүнлерде мушакгатлыклардан соңра, Гүн гаралар, Ай нуруны сачмаз.

‏ Mark 13:24-31

24 Эмма шол гүнлерде мушакгатлыклардан соңра, Гүн гаралар, Ай нуруны сачмаз. 25 Йылдызлар гөкден гачар, асман җисимлери лерзана гелер. 26 Шонда Ынсан Оглуның бейик гудрата ве шөхрата бесленип, булутларда гелйәнини гөрерлер. 27 Шонда Ол перишделери ёллап, Өз сайланларыны чар тарапдан, ериң уҗундан тә гөгүң уҗуна ченли йыгнар.

Инҗир агаҗындан алынмалы сапак

(Матта 24:32-35; Лука 21:29-33)

28 Инҗир агаҗындан сапак алың: онуң шахалары юмшап, япрак чыкаран махалы томсуң голайландыгыны билйәрсиңиз. 29 Шонуң ялы-да, бу затларың боляныны гөрениңизде, Ынсан Оглуның голай гелендигини, гапының агзындадыгыны билиң. 30 Сизе догрусыны айдярын, бу затларың әхлиси болянча, бу несил дүнйәден өтмез. 31 Асман билен ер өтер, эмма Мениң сөзлерим асла өтмез.