Mar 14:65-72 | TukCyr16 | STEP | Кәбирлери Онуң үстүне түйкүрип башладылар, гөзлерини даңып, Оны юмруклап: «Велилик эт!» дийишйәрдилер. Сакчылар-да Оны араларына алып урдулар.

‏ Mark 14:65-72

65 Кәбирлери Онуң үстүне түйкүрип башладылар, гөзлерини даңып, Оны юмруклап: «Велилик эт!» дийишйәрдилер. Сакчылар-да Оны араларына алып урдулар.

Петрус Исаны инкәр эдйәр

(Матта 26:69-75; Лука 22:56-62; Ёханна 18:15-18,25-27)

66 Петрус ховлының ашак тарапында дурка, баш руханының кенизлеринден бири гелди. 67 Ол чоюнып отуран Петрусы гөренде, оңа чиңерилди-де: «Сен хем шол насыралы Иса билендиң» дийди. 68 Эмма Петрус муны инкәр эдип: «Мен сениң нәме хакда геплейәниңи билемогам, дүшүнемогам» дийди-де, ховлының дашына чыкды. Шол вагт хем хораз гыгырды. 69 Кениз Петрусы гөренде, янындакылара: «Бу адам шоларың бири» дийип, ене-де айтды. 70 Эмма Петрус муны ене-де инкәр этди. Аз салымдан ол ерде дуранлар Петруса ене-де: «Хакыкатдан-да, сенем шоларың бири, себәби сен җелилели» дийдилер. 71 Эмма ол ант ичип: «Худай урсун! Сизиң айдян бу адамыңызы мен танамаярын» дийди. 72 Эдил шол вагт хораз икинҗи гезек гыгырды. Петрус Исаның өзүне: «Хораз ики гезек гыгырянча, сен Мени үч гезек инкәр эдерсиң» диен сөзлерини ятлап, мөңңүрип аглады.