Matthew 19:1-12
Ника ве айрылышмак барада
(Марк 10:1-12)
1Иса бу сөзлери тамамландан соң, Җелиледен чыкып, Иордан дерясының аңырсындакы Яхудыя велаятына гитди. 2Улы мәхелле Онуң ызына дүшди, Иса хем шол ерде оларың хассаларыны сагалтды. 3Исаның янына гелен кәбир фарисейлер Оны сынап гөрмек үчин: «Бир адамың хер хили бахана арап, өз аялындан айрылышмагы кануна догры гелйәрми?» дийип сорадылар. 4 aИса хем: «Сиз нәме „Яраданың Өзи овал-башда ынсанлары эркек ве аял эдип яратды“диен сөзлери окамадыңызмы? 5 b„Шол себәпден хем эркек ата-энесини ташлап, аялы билен бирлешйәр ве оларың икиси бир тен боляр“. 6Шейлеликде, олар инди ики дәл, бир тендир. Шонуң үчин хем Худайың бирлешдиренини ынсан айырмасын» дийди. 7 cФарисейлер Исадан: «Онда нәме үчин Муса талак хатыны язып, айрылышмага ыгтыяр берипдир?» дийип сорадылар. 8Иса олара: «Муса сизиң доңйүрекдигиңиз үчин аялыңызы айырмага ыгтыяр берди, эмма овал-башда бейле дәлди. 9Мен сизе шуны диййәрин: ким аялыны зынадан башга себәп билен айрып, башга аяла өйленсе, зына эдйәндир ▼▼Кәбир голязмаларда Әринден айрылышан аяла өйленен хем зына эдйәндир диен җүмле хем бар.
» дийип җогап берди. 10Шәгиртлер Оңа: «Эгер әр-аялың арасындакы ягдай шейле болса, онда өйленмезлик говудыр» дийишдилер. 11Эмма Иса олара: «Хемме адамлар бу сөзи кабул эдип билмезлер, диңе өзлерине берленлер кабул эдип билерлер. 12Кәбир адамлар догабитди агтадырлар, кәбирлери болса адамлар тарапындан агта эдилендир. Башга бирлери болса Гөгүң Шалыгының хатырасына хич ким билен бирлешмейәр. Муны кабул эдип билен кабул этсин» дийди.
Copyright information for
TukCyr16