Mat 24:29-35 | TukCyr16 | STEP | Шол гүнлериң мушакгатының ыз яны Гүн гаралар, Ай нуруны сачмаз. Йылдызлар гөкден гачар, асман җисимлери лерзана гелер.

‏ Matthew 24:29-35

29 Шол гүнлериң мушакгатының ыз яны Гүн гаралар, Ай нуруны сачмаз. Йылдызлар гөкден гачар, асман җисимлери лерзана гелер. 30 Шонда гөкде Ынсан Оглуның аламаты гөрнер. Ер йүзүндәки әхли халклар яс тутуп перят эдерлер. Ынсан Оглуның бейик гудрата ве шөхрата бесленип, гөгүң булутларында гелйәнини гөрерлер. 31 Ол белент сурнай сеси билен Өз перишделерини ёллар. Перишделер Онуң сайланларыны гөгүң бир уҗундан бейлеки уҗуна ченли, дүнйәниң дөрт күнҗүнден йыгнарлар.

32 Инҗир агаҗындан сапак алың: онуң шахалары юмшап, япрак чыкаран махалы томсуң голайландыгыны билйәрсиңиз. 33 Шонуң ялы-да, бу затлары гөрениңизде, Ынсан Оглуның голай гелендигини, гапының агзындадыгыны билиң. 34 Сизе догрусыны айдярын, бу затларың әхлиси болянча, бу несил дүнйәден өтмез. 35 Асман билен ер өтер, эмма Мениң сөзлерим асла өтмез.