Mat 26:36-46 | TukCyr16 | STEP | Соңра Иса шәгиртлери билен Гетсемани диен ере гитди. Иса олара: «Сиз бу ерде гарашың, Мен хол ере гидип, Худая дога этҗек» дийди.

‏ Matthew 26:36-46

Гетсемани багында

(Марк 14:32-42; Лука 22:39-46)

36 Соңра Иса шәгиртлери билен Гетсемани диен ере гитди. Иса олара: «Сиз бу ерде гарашың, Мен хол ере гидип, Худая дога этҗек» дийди. 37 Иса Петрусы, Зебедейиң огуллары Якуп билен Ёханнаны янына алды. Ол тукатланып, гайгыланмага башлады. 38 Иса олара: «Мениң җаным өлер ялы тукат. Сиз бу ерде галың ве оя болуң» дийди. 39 Иса бираз өңе йөреди-де, ере йүзин дүшүп: «Эй, Атам! Мүмкин болса, бу хасрат кәсесини Менден сова гечсин, йөне Мениң ислегим дәл, Сениң ислегиң амала ашсын!» дийип, дилег этди.

40 Иса гайдып геленде, шәгиртлери уклап ятан экенлер. Иса Петруса: «Мениң билен биле бир сагат-да оя болуп билмедиңизми? 41 Оя болуң, сынага дүшмез ялы дилег эдиң. Рух гайратлыдыр, йөне беден эҗиздир» дийди.

42 Иса икинҗи гезек гидип, дилег этди: «Эй, Атам, Мен ичмесем, бу кәсәниң гечмеги мүмкин дәл болса, онда Сениң ислегиң болсун!» 43 Ызына гайдып геленде, шәгиртлери ене уклап ятан экенлер, себәби оларың гөзлери бүрлүп дурды. 44 Иса олары гоюп, ене гитди, ене шол өңки сөзлер билен үчүнҗи гезек дилег этди. 45 Онсоң шәгиртлериң янына гайдып гелип: «Сиз хенизем уклап ятырсыңызмы? Дынҗыңызы алярсыңызмы? Ине, пурсат голайлады, Ынсан Оглы гүнәкәрлериң элине берилйәр. 46 Туруң, гиделиң. Анха, Маңа хайынлык эден голайлады» дийди.