Mat 3:13-4:11 | TukCyr16 | STEP | Онсоң Иса Яхя тарапындан чүмдүрилмек үчин Җелиледен Иордана, Яхяның янына гелди.

‏ Matthew 3:13-17

Иса сува чүмдүрилйәр

(Марк 1:9-11; Лука 3:21,22)

13 Онсоң Иса Яхя тарапындан чүмдүрилмек үчин Җелиледен Иордана, Яхяның янына гелди. 14 Эмма Яхя Оны саклап: «Сен мени чүмдүрмели велин, Сениң Өзүң мениң яныма гелйәрсиңми?» дийди. 15 Иса оңа: «Гой, хәзир шейле болсун, себәби бизе Худайың ислегини берҗай этмек ярашяндыр» дийип җогап берди. 16 Иса сува чүмдүрилип чыкан бадына гөклер ачылды. Ол Худайың Рухуның кепдери гөрнүшде Өз үстүне инип гелйәнини гөрди. 17 Шол вагт гөкден: «Бу Мениң сөвер Оглумдыр, Мен Ондан көп разыдырын» диен оваз гелди.

‏ Matthew 4:1-11

Иса сыналяр

(Марк 1:12,13; Лука 4:1-13)

1 Соңра иблисиң сынамагы үчин, Мукаддес Рух Исаны чөле әкитди. 2 Иса кырк гиҗе-гүндиз агыз бекләнден соңра аҗыкды. 3 Шол вагт Онуң янына аздырыҗы шейтан гелип: «Эгер Сен Худайың Оглы ^{▼▼Худайың Оглы – Көне Әхтде бу ат патышалар үчин уланылярды. Тәзе Әхтде болса бу ат Худай тарапындан сайланып-сечилен диймеги аңладяр. Сөзлүге серет.} болсаң, онда шу дашларың чөреге өврүлмегини буюр» дийди. 4 ^bЭмма Иса оңа: «„Ынсан диңе чөрек билен яшаман, эйсем Реббиң агзындан чыкян хер бир сөз билен хем яшаяр“дийип язылгыдыр» дийип җогап берди. 5 Соңра иблис Исаны мукаддес шәхер Иерусалиме гетирди. Оны ыбадатхананың чүр депесине чыкарып: 6 ^c«Эгер Сен Худайың Оглы болсаң, Өзүңи ашак окла. Чүнки шейле язылгыдыр: „Ол перишделерине Сен бабатда эмр эдер.
Аягың даша бүдремез ялы,
олар Сени эллеринде гөтерер“» дийди.

7 ^dИса оңа: «„Худайыңыз Ребби сынамаң“дийип хем язылгыдыр» дийди.

8 Бу гезек иблис Исаны бейик бир дагың чүр башына чыкарды. Оңа дүнйәниң әхли шалыкларыны ве оларың шан-шөхратыны гөркезип: 9 «Эгер дызыңа чөкүп, маңа сежде этсең, буларың барыны Саңа берейин» дийди. 10 ^eИса оңа: «Ёк бол, шейтан! „Худайыңыз Реббе сежде эдиң, диңе Оңа гуллук эдиң“дийип языландыр» дийди.

11 Шундан соң иблис Исаны ташлап гитди. Перишделер гелип, Иса хызмат этдилер.