Jos 12 | TwiAKNA | STEP | Eyinom ne ahemfo a wɔwɔ Asubɔnten Yordan apuei fam a wokunkum wɔn na wɔfaa wɔn nsase. Wɔn nsase no fi Arnon Subon kosi Bepɔw Hermon so a Yordan Bon asase a ɛwɔ apuei fam nyinaa ka ho.

‏ Joshua 12

Ahemfo A Wodii Wɔn So Wɔ Yordan Apuei Fam

1 Eyinom ne ahemfo a wɔwɔ Asubɔnten Yordan apuei fam a wokunkum wɔn na wɔfaa wɔn nsase. Wɔn nsase no fi Arnon Subon kosi Bepɔw Hermon so a Yordan Bon asase a ɛwɔ apuei fam nyinaa ka ho.

2 Wodii Amorihene Sihon a na ɔte Hesbon no so.
Na nʼaheman bi ne Aroer a ɛwɔ Arnon Subon ano na ɛsen fi ne mfimfini kosi Asubɔnten Yabok a ɛda hɔ sɛ ɔhye ma Amorifo no. Nnɛ yi, Gilead fa a ɛda Asubɔnten Yabok atifi no ka ɔmantam no ho.
3 Efi Yordan bon atifi a ɛbɛn Galilea po no atɔe fam mpoano na esian ba anafo fam besi Nkyene Po, fi Bet-Yesimot kosi Pisga nsian so hyɛɛ Sihon ase.
4 Basanhene Og a otwa Refaitefo to no tenaa Astarot ne Edrei asase so.
5 Na odii hene wɔ ɔman a efi Bepɔw Hermon so de kosi Saleka wɔ atifi fam ne Basan a ɛwɔ apuei fam nyinaa, de kɔ atɔe fam kosi Gesurfo ne Maakatfo ahemman hye so. Gilead fa a ɛwɔ atifi fam, ne ɔfa a aka a na ɛwɔ Hesbonhene Sihon asase mu no ka ho.

6 Na Mose a ɔyɛ Awurade somfo no ne Israelfo atɔre ɔhene Sihon ne ɔhene Og nkurɔfo ase. Mose de wɔn asase maa Ruben ne Gad mmusuakuw ne Manase abusua fa no.

Yordan Apuei Fam Ahemfo A Wodii Wɔn So

7 Saa ahemfo a wɔn din didi so yi na Yosua ne Israel nsraadɔm dii wɔn so wɔ Yordan atɔe fam fi Baal-Gad wɔ Lebanon bon mu de kosi Halak bepɔw a ekosi Seir no. (Na Yosua de asase no maa Israel mmusuakuw no sɛ wɔn agyapade, 8 a ɛne, bepɔw so man, atɔe fam nkoko, Yordan Bon, mmepɔw mmepɔw nsian, Yudean sare so ne Negeb. Nnipa a na wɔte saa beae hɔ no yɛ Hetifo, Amorifo, Kanaanfo, Perisifo, Hewifo ne Yebusifo.)

Eyinom ne ahemfo a Israel dii wɔn so nkonim:

9 ^{▼▼In order to format the table contained in this verse correctly, it has been necessary to move the content of verse(s) 10-24 into it.}

Yerikohene	baako
Ai a ɛbɛn Bet-El hene	baako
⁽¹⁰⁾Yerusalemhene	baako
Hebronhene	baako
⁽¹¹⁾Yarmuthene	baako
Lakishene	baako
⁽¹²⁾Eglonhene	baako
Geserhene	baako
⁽¹³⁾Debirhene	baako
Gaderhene	baako
⁽¹⁴⁾Hormahene	baako
Aradhene	baako
⁽¹⁵⁾Libnahene	baako
Adulamhene	baako
⁽¹⁶⁾Makedahene	baako
Bet-Elhene	baako
⁽¹⁷⁾Tapuahene	baako
Heferhene	baako
⁽¹⁸⁾Afekhene	baako
Lasaronhene	baako
⁽¹⁹⁾Madonhene	baako
Hasorhene	baako
⁽²⁰⁾Simronhene	baako
Aksafhene	baako
⁽²¹⁾Taanakhene	baako
Megidohene	baako
⁽²²⁾Kedeshene	baako
Yokneam a ɛwɔ Karmel ase hene	baako
⁽²³⁾Dor a ɛwɔ Dor koko so hene,	baako
amanaman a ɛwɔ Gilgal no hene ne	baako
⁽²⁴⁾Tirsahene	baako
	Ahemfo a wɔsɛe wɔn ne wɔn nkurow nyinaa ano si aduasa baako.

10 – 11 – 12 – 13 – 14 – 15 – 16 – 17 – 18 – 19 – 20 – 21 – 22 – 23 – 24 –