Psa 26 | TwiNAK | STEP | Bu me bem, O Awurade , efisɛ, meyɛ ade trenee na mede me ho to wo so koraa.

‏ Psalms 26

Ɔtreneeni mpaebɔ

1 Bu me bem,
O Awurade, efisɛ, meyɛ ade trenee na mede me ho to wo so koraa.
2 Sɔ me hwɛ,
Awurade, na hu mʼadwene.
3 Wo dɔ a wodɔ me daa no yɛ mʼakwankyerɛ; wo nokware no kyerɛ me kwan daa.
4 Me ne ahuhufo mmɔ.
Me ne nyaatwomfo nni hwee yɛ.
5 Me ne nnebɔneyɛfo mmɔ, na mekwae mifi wɔn ho.
6 Awurade, mehohoro me nsa ma wuhu sɛ, menyɛ bɔne na meba mu betwa wʼafɔremuka ho hyia, som wo.
7 Meto aseda nnwom na mepae mu ka wʼanwonwade.
8 Mʼani gye ofi a wote mu no ho,
O Awurade, baabi a wʼanuonyam te hɔ.
9 Nsɛe me mfra nnebɔneyɛfo no.
Gye me fi awudifo nsam;
10 nnipa a daa wɔyɛ bɔne na daa wɔasiesie wɔn ho ama adanmudegye no.
11 Me de, meyɛ ade trenee; hu me mmɔbɔ na gye me nkwa.
12 Amane mu, me ho nka; mekamfo Awurade wɔ ne manfo mu.