Psa 6 | TwiNAK | STEP | Awurade , ntwe mʼaso wɔ wʼabufuwhyew mu.

Psalms 6

Ɔhaw mu mpaebɔ

1 Awurade, ntwe mʼaso wɔ wʼabufuwhyew mu.
2 O Awurade, mabrɛ; hu me mmɔbɔ.
Ma me ahoɔden; mʼahoɔden nyinaa asa.
3 Na me nipadua nyinaa wɔ ɔhaw mu.
O Awurade, mentwɛn nkosi da bɛn ansa na woaboa me?
4 Bra na begye me nkwa,
Awurade; wʼahummɔbɔ mu, yi me fi owu mu.
5 Obi nkae wo wɔ asaman; hena na wofi asaman bɛba abɛkamfo wo?
6 Awerɛhow ama mayɛ mmerɛw.
Daa anadwo me nusu fɔw me kɛtɛ ma me sumii nso fɔw.
7 Mʼani so yɛ me kusuu.
Osu a mʼatamfo ama masu nti, mʼani akyi ayɛ duru.
8 Mo nnebɔneyɛfo, montwe mo ho mfi me ho!
Awurade tie me su.
9 Otie me su, boa me, na obetie me mpaebɔ nso.
10 Mʼatamfo anim begu ase wɔ wɔn nkogu mu, na wɔapam wɔn wɔ basabasayɛ mu.