1Ch 17 | TyvTUV | STEP | Давид бодунуң ордузунче көжүп кире бергеш, Нафан медээчиге мынча дээн: «Көр даан, мен пөштен кылган ордуда чурттап турар-дыр мен, а Дээрги-Чаяакчының чагыг-керээзиниң аптаразы анаа майгында турар-дыр».

a 2 Хаан. 7:1; 12:1

b 1 Хаан. 16:11-13; Ыд. ыр. 77:70

c 1 Хаан. 18:14

d Башт. 2:14-16; 1 Хаан. 12:11

f 3 Хаан. 2:10

g 3 Хаан. 8:19

hЫд. ыр. 88:27; 2 Кор. 6:18; Евр. 1:5

i Ыд. ыр. 88:5, 30, 36-37; 131:12; Ин. 7:42

j Хост. 15:11

k Ы. х. к. 4:7; 26:19; 33:29

‏ 1 Chronicles 17

1 Давид бодунуң ордузунче көжүп кире бергеш, Нафан медээчиге ^a мынча дээн: «Көр даан, мен пөштен кылган ордуда чурттап турар-дыр мен, а Дээрги-Чаяакчының чагыг-керээзиниң аптаразы анаа майгында турар-дыр». 2 Нафан Давидке: «Чүнү кылырын күзей-дир сен, ону кыл. Бурган сээң-биле кады болгай» – дээн. 3 Ол-ла дүне Бурган Бодунуң сөзүн Нафанга ажыдыпкан: 4 «Мээң чалчам Давидке баргаш, Дээрги-Чаяакчының сөзүн дамчыт: Меңээ чурттаар өргээни сен тургуспас сен. 5 Израиль чонну Египеттен хостап үндүрүп келгенимден бо хүнге чедир Мен өргээге чурттавадым. Бир майгындан өске майгынче көжүп чорааш, чурттап чордум. 6 Израиль чон-биле кады каяа-даа чорааш, Бодумнуң чонумну чагырар кылдыр дужааганым баштыңчыларның кайы-бирээзинге: „Чүге Меңээ пөштен өргээ тудуп бербээн силер?“деп чугаалап көрген мен бе?

7 Ынчангаш Мээң чалчам Давидке Аг-шериглиг Дээрги-Чаяакчының сөзүн дамчыт: Мен сени, хой кадарып чоруңда, Мээң израиль чонумнуң чагырыкчызы кылдыр томуйлаан мен ^b. 8 Каяа-даа чоруңда, сээң-биле кады болуп, сээң мурнуңга дайзыннарыңны чылча шаап чордум ^c. Сээң адыңны, чер кырының алдарлыг кижилеринии дег, алдаржыдып каан мен. 9 – 10 Мен Бодумнуң израиль чонумга боду чурттуг болзун база ону кым-даа дүвүретпезин дээш, черни аңгылап бергеш, аңаа доктаап чурттаар кылып каан мен.

Каржы-бак улус оларны мооң мурнунда дег, Мен Бодумнуң израиль чонумга баштыңчылар тургузуп каан үемде дег ^d, дарлавас болур. Оон ыңай Мен сээң бүгү дайзыннарыңны томаартып каар мен. Дээрги-Чаяакчы Мен сээң ук-салгалыңны ^{▼▼ Еврей дылда «бэт» деп сөс 4-кү шүлүкте «өргээ» деп утканы, бо шүлүкте «ук-салгал» деп утканы илередип турар. Бо үзүндүде ол ийи аңгы уткалар-биле сөс оюну чоруп турар.} Бодум тургузуп каарымны аазап тур мен. 11 Назылап кырааш, ада-өгбең соондан өске оранче чоруй баарыңга ^f, Мен сээң төрээн ук-салгалыңны орнуңга хаан кылгаш, ооң чагыргазын быжыглап каар мен. 12 Ол салгакчың Меңээ өргээ тудуп каар ^g, а Мен ооң дүжүлгезин кезээ мөңгеде быжыглап каар мен. 13 Мен ооң Адазы болур мен, а ол Мээң оглум болур ^h. Мен Бодумнуң энерелимни салгакчыңдан, сээң мурнуңда хааннап турган кижиден ойталааным дег, кажан-даа ап кагбас мен. 14 Ону Мен Бодумнуң өргээмниң болгаш күрүнемниң кырынга кезээ мөңгеде тургузуп каар мен, ооң дүжүлгези мөңгези-биле артар ⁱ». 15 Нафан ол бүгү чугааны болгаш көстүүшкүннү Давидке дамчыдып берген.

Давидтиң Бурганга өөрүп четтиргени

(2 Хаан. 7:18-29)

16 Ынчан Давид хаан Дээрги-Чаяакчының мурнунга барып чугаалаан: «О, Дээрги-Бурган-Чаяакчы! Кым мен мен? Мээң ук-салгалым кымыл? Мени ынчаар көдүрер хире чүнү кылдым? 17 Ол бүгү безин Сеңээ эвээш болган-дыр, о, Бурган! Мени алдаржыдарындан эрткеш, Сен Бодуңнуң чалчаңның үре-салгалының келир үезин безин чугаалап бердиң. Сен мени кол кижи дег көрдүң, Дээрги-Бурган-Чаяакчы. 18 Бодуңнуң чалчаңны алдаржытканың дээш Давид Сеңээ оон ыңай чүнү немей чугаалап шыдаар деп? Бодуңнуң чалчаңны билир-ле болгай сен! 19 О, Дээрги-Чаяакчы! Бодуңнуң чалчаңны бодааш, Бодуңнуң күзелиң-биле Сен өндүр улуг херекти кылып, ол бүгү чаагай аазаашкыннарны ажыдып бердиң. 20 Дээрги-Чаяакчы! Сеңээ деңнежир Бурган чок-тур, Сеңээ деңнежипки дег кым-даа чок-тур, Сенден өске Бурган-даа чок-тур, бис боттарывыстың кулаавыс-биле дыңнадывыс ^j. 21 Кым Сээң израиль чонуңга деңнежирил? Чер кырында бо чон дег өске чон чок ^k, чүге дээрге бисти Бодунуң чону кылып аар дээш, Бурган кээп, бисти кулданыышкындан адырып алган. Сээң кайгамчык, коргунчуг херектериң ужун Сээң адың билдингир апарган. Сен египетчилерден камгалаан чонуңнуң мурнундан өске чоннарны-даа үндүр ойладыпкан эвес ийик сен бе? 22 Сен израиль чонуңну кезээ мөңгеде Бодуңнуу кылдыр ап алдың, а Бодуң, Дээрги-Чаяакчы, ооң Бурганы болдуң.

23 А ам, Дээрги-Чаяакчы, Бодуңнуң чалчаңның болгаш ооң ук-салгалының дугайында берген сөзүңнү кезээ мөңгеде шынзыдып көрем, Бодуңнуң аазаашкыныңны күүседип көрем. 24 Сээң адың кезээ мөңгеде артып, алдаржып чорзун, кижилер: „Аг-шериглиг Дээрги-Чаяакчы – Израильдиң Бурганы! Израильде Бурган ол-дур!“деп чугаалажып чорзун! Сээң чалчаң Давидтиң ук-салгалы Сээң мурнуңга быжыг болзун! 25 Мээң Бурганым, Сен Бодуңнуң чалчаң меңээ ук-салгалымны доктаадып бээриңни ажыдып берген болгай сен, ынчангаш Бодуңнуң чалчаң Сээң мурнунга мөргүүрүн шиитпирледи. 26 О, Дээрги-Чаяакчы! Сен – Бурган сен! Сен Бодуңнуң чалчаңга бо чаагай кежикти аазадың. 27 Бодуңнуң чалчаңның ук-салгалы мөңгеде Сээң хайгааралыңга чорзун дээш, аңаа ачы-буяның хайырлап эгеледиң. Дээрги-Чаяакчы, ачы-буянны Сен хайырлаар болзуңза, ол ачы-буян кезээ мөңгеде артып каар!»