‏ 1 Chronicles 2

Иуданың үре-салгалы

1Израильдиң оолдары бо-дур ^a: Рувим, Симеон, Левий, Иуда, Иссахар, Завулон, 2Дан, Иосиф, Вениамин, Неффалим, Гад болгаш Асир.

3Иуданың оолдары ^b: Ир, Онан база Шела – олар үжелээн хананей Шуаның уруундан төрүттүнгеннер. Иуданың дун оглу Ир Дээрги-Чаяакчының мурнунга кем-буруулуг болган, ынчангаш Ол ону чок апаар кылдыр кылып каан. 4Кенни Фамар ^c Иудага Фарес биле Зерахты божуп берген. Иуда беш оолдуг турган.

5Фарестиң оолдары ^d: Хецрон биле Хамул.

6Зерахтың оолдары: Зимри, Эфан, Еман ^e, Халкол база Дара. Олар шупту беш кижи.

7Харминиң оглу: Ахар ▼

▼ Ахар – «хай-халап эккээр» дээн уткалыг сөс-биле дөмейлешкек.

. (Бурганга тураскааткан чүүлдерге удур кем-буруу үүлгеткеш, Израильге хай-халапты эккелген кижи ол-дур.) ^g 8Эфанның оглу: Азария.

Давид хаанның ук-ызыгууру болгаш төрел салгалы

(Руф 4:18-22; Мф. 1:3-6)

9Хецроннуң төрээн оолдары: Иерахмеил, Рам болгаш Халев. 10Рам Аминадавты төрээн, а Аминадав Иуданың аймааның баштыңы Наассонну ^h төрээн чүве-дир. 11Наассоннуң оглу Салмон, Салмоннуң оглу Вооз. 12Воозтан Овид төрүттүнген, Овидтен Иессей төрүттүнген.

13Иессейниң дун оглу Элиав ⁱ, ийи дугаары – Авинадав, үшкүзү – Шима ^j, 14дөрткүзү – Нафанаил, беш дугаары – Раддай, 15алдыгызы – Оцем, чедигизи – Давид.

16Оларның кыс дуңмалары: Саруйя биле Авигея. Саруйя үш оолдуг: Авесса, Иоав база Асаил ^k. 17Авигея Амессайны ^l төрээн. Амессайның адазы измаилчи ▼

▼ Өске бурунгу сөзүглелдерде «измаилчи» эвес, а «израильчи» деп бижээн.

Иетер чүве-дир ⁿ.

Хецроннуң база Халевтиң үре-салгалы

18Хецроннуң оглу Халевтиң бодунуң кадайы Азувадан (Иериофадан база) оолдары бо-дур: Иешер, Шовав база Ардон. 19Азува өлүп каарга, Халев Эфратаны кадай кылдыр ап алган. Ол аңаа Хур деп оолду божуп берген. 20Хурнуң оглу Урий, Урийниң оглу Веселиил болган ^o.

21Оон Хецрон алдан харлыг тургаш, Галаадтың адазы Махирниң ^p уруу-биле холбашкан. Ол Хецронга Сегув деп оол божуп берген. 22Сегувтан Иаир төрүттүнген. Галаад черге ол чээрби үш хоорайлыг турган ^q. 23Ынчалза-даа гессурлар болгаш арамейлер ол черге алдан хоорайны эжелеп алган ^r. Ол хоорайларның аразында Иаирниң хоорай-суурлары, Кенат хоорай болгаш аңаа хамааржыр хоорай-суурлар бар турган. Аңаа чурттап турган улус шуптузу Галаадтың адазы Махирден укталган. 24Хецроннуң Халев-Эфрата деп черге өлгениниң соонда, ооң кадайы Авия Ашхурну божаан. Ашхур дээрге Текояның үндезилекчизи-дир ^s.

Иерахмеилдиң үре-салгалы

25Хецроннуң дун оглу Иерахмеилдиң ^t оолдары: дун оглу Рам, ооң соонда Вуна, Орен, Оцем болгаш Ахия. 26Иерахмеилдиң Афара деп өске кадайы база турган. Ол Онам деп оолду божаан. 27Иерахмеилдиң дун оглу Рамның оолдары: Маац, Ямин болгаш Экер.

28Онамның оолдары: Шаммай биле Иада.

Шаммайның оолдары: Надав биле Авишур.

29Авишурнуң кадайын Авихаил дээр. Ол аңаа Ахбан биле Молид деп оолдарны божуп берген.

30Надавтың оолдары: Селед биле Афаим. А Селед ажы-төл чок бооп өлген.

31Афаимниң оглу: Иший. Ишийниң оглу: Шешан. Шешанның оглу: Ахлай.

32Шаммайның дуңмазы Иаданың оолдары: Иетер биле Ионафан. Иетер ажы-төл чок бооп өлген.

33Ионафанның оолдары: Пелет биле Заза. Олар шупту Иерахмеилдиң салгалдары-дыр.

34Шешан оолдар чок, чүгле кыстарлыг болган. Ооң Иарха деп египет кулу турган. 35Шешан бодунуң бир уруун кулу Иархага кадай кылдыр берипкен. Уруу Иархага Аттай деп оол божуп берген. 36Аттайдан Нафан төрүттүнген. Нафандан Завад төрүттүнген. 37Завадтан Эфлал төрүттүнген. Эфлалдан Овид төрүттүнген. 38Авидтен Иеху төрүттүнген. Иехудан Азария төрүттүнген. 39Азариядан Хелец төрүттүнген. Хелецтен Элеаса төрүттүнген. 40Элеасадан Сисмай төрүттүнген. Сисмайдан Шаллум төрүттүнген. 41Шаллумдан Иекамия төрүттүнген. Иекамиядан Элишама төрүттүнген.

Халевтиң өске үре-салгалы

42Иерахмеилдиң дуңмазы Халевтиң оолдары: дун оглу Меша (ол Зифтиң үндезилекчизи болур) база өске оглу Мареша (ол Хевроннуң үндезилекчизи болур). 43Хевроннуң оолдары: Корах, Таппуах, Рекем болгаш Шема. 44Шема Рахамны (Иоркеамның үндезилекчизин) төрээн. А Рекемден Шаммай төрүттүнген. 45Шаммайның оглу Маон. А Маон дээрге Бет-Цурнуң үндезилекчизи-дир.

46Халевтиң кул-кадайы Эфа Харран, Моца болгаш Газез деп оолдарны төрээн. А Харрандан Газез төрүттүнген.

47Иегдайның оолдары: Регем, Иофам, Гешан, Пелет, Эфа болгаш Шааф.

48Халевтиң өске кул-кадайы Мааха Шевер биле Тирхана деп оолдарны божаан. 49Оон аңгыда Шаафты (ол Мадманнаның ^u үндезилекчизи болур) база Шеваны (Махбена биле Гивеяның үндезилекчизи болур) төрээн. Халевтиң Ахса деп уруу база турган ^v.

50Болар база Халевтиң салгалдары-дыр, олар Эфратаның дун оглу Хурдан укталган ^w: Кириат-Иаримниң үндезилекчизи Шовал, 51Вифлеемниң үндезилекчизи Салма, Бет-Гадерниң үндезилекчизи Хареф.

52Кириат-Иаримниң үндезилекчизи Шовалдың үре-салгалы: Гарое чурттуглар, Менухот чурттугларның чартыы. 53Кириат-Иаримниң төрел бөлүктери: итра, пут, шумат болгаш мишра. Олардан Цора ^x болгаш Эштаол чурттуглар укталып тывылган.

54Салманың үре-салгалы: вифлеемчилер, нетофажылар, Атарот-Бет-Иоав чурттуглар база цорит деп төрел бөлүк – Менухот чурттугларның өске чартыы.

55Иависке чурттап чораан бижээчилерниң төрел бөлүктери: тира, шимеа, суха. Олар дээрге Хаматтан (рехав төрел бөлүктүң ^y өгбезинден) укталган кен аймак-тыр ^z.