1 Chronicles 20
Давидтиң дайыннары
(2 Хаан. 11:1; 12:26-31; 21:18-22)
1Дараазында чылдың эгезинде, хааннар дайылдажыр дээш үнер үеде a, Иоав шериглери-биле аммоннарның чуртун үптеп каапкаш, ооң найысылалы Равваны b бүзээлеп алган. А Давид Иерусалимге артып калган. Иоав Равваны эжелеп алгаш, үрегдеп каапкан. 2Давид келгеш, аммон хаанның ▼▼ Азы: «Милхом бурганның».
оваадайын ооң бажындан уштуп алгаш, боду кедип алган. Ол оваадай бир талант алдын деңзилиг болгаш үнелиг даш-биле каастап каан турган чүве-дир. Давид ол хоорайдан дыка хөй олчалыг болган. 3Чурттакчыларын Давид хоорайдан үндүргеш, оларны албадал-биле хирээлер, демир кускун-хаайлар, балдылар тудуп алгаш ажылдаар улус кылып каан ▼▼ Азы: «Оларны хирээлер, демир кускун-хаайлар, балдылар-биле эриидеп, шаажылаан».
. Давид бүгү аммон хоорайларны база ынчалдыр аажылаан. Ооң соонда Давид бодунуң бүгү шерии-биле Иерусалимче ээп келген. 4Элээн үе эрткенде, Гезер хоорай чанынга филистимнер-биле тулчуушкун болган. Ол үеде Хуша чурттуг Сивхай деп кижи рефа уктуг e Сиппайны өлүрүп каан. Ынчалдыр филистимнер томаараан чүве-дир. 5Филистимнер-биле болган оон өске тулчуушкун үезинде, Ягирниң оглу Элханан Геф чурттуг Голиафтың дуңмазы Лахмини өлүрүп каан. Лахминиң чыдазының чоону пөс-таавычыларның өзек ыяжы дег турган f. 6Гефке оон аңгы база тулчуушкун болган. Аңаа кончуг улуг-шыырак бир кижи турган. Ооң хол-будунуң салаалары алды-алды – шупту чээрби дөрт турган. Ол база рефа уктуг кижи чүве-дир. 7Ол кижи израильчилерни бак сөглээр турган, ынчангаш ону Давидтиң акызы Шиманың g оглу Ионафан өлүрүп каан. 8Ол кижилер шупту Геф чурттуг рефа улустуң үре-салгалы турган h. Олар Давидтиң болгаш ооң улузунуң холундан барган чүве-дир.
Copyright information for
TyvTUV