1 Chronicles 24
Бурганның бараалгакчыларын чарып кааны
1Аароннуң салгалдарының бөлүктери бо-дур. Аароннуң оолдары: Надав, Авиуд, Элеазар болгаш Ифамар a. 2Надав биле Авиуд адазының-даа мурнунда өлүп калган, оларның ажы-төлү чок b. Ынчангаш чүгле Элеазар биле Ифамар Бурганның бараалгакчылары бооп артканнар c. 3Элеазарның салгакчызы Садок база Ифамарның салгакчызы Ахимелех d оларның дузазы-биле Давид хаан бараалгакчыларны албан-хүлээлгелериниң аайы-биле бөлүктерге чарып каан. 4Элеазардан укталган баштың улус Ифамардан укталганнарга бодаарга, хөй болган. Ынчангаш оларны мынчаар чарган: Элеазарның салгалдары – он алды төрел бөлүк, а Ифамарның салгалдары – сес төрел бөлүк болган. 5Оларны кандыг-даа тала тыртпайн, төлге даштарының дүшкенин ёзугаар чарып каан, чүге дээрге Элеазарның-даа, Ифамарның-даа үре-салгалы Бурганның мурнунга – ыдыктыг черге бараан болур дең эргелиг турган чүве-дир. 6Давид хаан, чоннуң нояннары, Бурганның бараалгакчызы Садок, Авиафарның оглу Ахимелех болгаш бараалгакчыларның, левиттерниң төрел салгалдарының баштыңнары көрүп турда, төрел бөлүктерниң аттарын Нафанаилдиң оглу, левит бижээчи Шемайя бижип алган: бирээзин Элеазардан укталган төрел бөлүк, өскезин – Ифамардан укталган төрел бөлүк оочур ёзугаар алган чүве-дир. 7Баштайгы төлге Иегоиаривке дүшкен, ийигизи – Иедайяга e, 8үшкүзү – Харимге, дөрткүзү – Сеоримге, 9бешкизи – Малхияга, алдыгызы – Мияминге, 10чедигизи – Гаккоцка, сескизи – Авияга f, 11тоскузу – Иисуска, онгузу – Шеханияга, 12он биргизи – Элиашивке, он ийигизи – Иакимге, 13он үшкүзү – Хуппага, он дөрткүзү – Иешевавка, 14он бешкизи – Вилгага, он алдыгызы – Иммерге, 15он чедигизи – Хезирге, он сескизи – Гапицецке, 16он тоскузу – Петахияга, чээрбигизи – Иезекиилге, 17чээрби биргизи – Яхинге, чээрби ийигизи – Гамулга, 18чээрби үшкүзү – Делайяга, чээрби дөрткүзү – Маазияга дүшкен чүве-дир. 19Дээрги-Чаяакчының өргээзинче бараалгап баарда, оларның өгбези Аароннуң Израильдиң Бурганы Дээрги-Чаяакчының чагыын ёзугаар тургузуп кааны ындыг чурум-биле кирер турган.Өске левиттер
20Левийниң оон өске салгалдарынга хамааржыр улус g. Амрамның оолдарындан: Шуваил. Шуваилдиң оолдарындан: Иехдия. 21Рехавияның оолдарындан: кол кижи Ишшия. 22Ицгарның оолдарындан: Шеломот. Шеломоттуң оолдарындан: Яхат. 23Хевроннуң оолдарындан ▼▼ Өске бурунгу сөзүглелде «Хевроннуң оолдары» деп сөстер таварышпайн турар.
: Иерия i, ийи дугаары Амария, үшкүзү Яхазиил, дөрткүзү Иекамам. 24Узиилдиң оолдарындан: Миха. Миханың оолдарындан: Шамир. 25Миханың дуңмазы – Ишшия. Ишшияның оолдарындан: Захария. 26Мерариниң оолдарындан: Махли, Муши болгаш ооң үре-салгалы Иаазияның оолдары. 27Мерариниң Иаазиядан укталган үре-салгалы: Шогам, Заккур база Иври. 28– 29Махлиден: Элеазар (ооң оолдары чок турган чүве-дир) биле Кис. Кистиң оолдарындан: Иерахмиил. 30Мушиниң оолдарындан: Махли, Эдер база Иремот. Левиттерниң салгалдары оларның төрел бөлүктериниң аайы-биле ол-дур. 31Давид хаан, Бурганның бараалгакчылары Садок, Ахимелех болгаш бараалгакчыларның, левиттерниң төрел салгалдарының баштыңнары көрүп турда, ол левиттер база төлге даштарын ха-дуңмазы болур Аароннуң салгакчылары-биле деңге октааннар j. Улуг акыларының болгаш бичии дуңмаларының өг-бүлелериниң эргелерин деңнеп каан чүве-дир.
Copyright information for
TyvTUV