1Ch 27 | TyvTUV | STEP | Шериглерниң салбырлар аайы-биле удуртукчуларының даңзызы – израиль төрел бөлүктерниң даргаларының, муң болгаш чүс шериг баштыңчыларының даңзызы бо-дур. Чылды өттүр ай санында-ла бир салбыр хаанга бараан болур ужурлуг турган. Салбыр бүрүзүнге 24 000 кижи турган.

‏ 1 Chronicles 27

Израиль шеригниң салбырлары

(2 Хаан. 23:8-39; 1 Чыл. 11:10-47)

1 Шериглерниң салбырлар аайы-биле удуртукчуларының даңзызы – израиль төрел бөлүктерниң даргаларының, муң болгаш чүс шериг баштыңчыларының даңзызы бо-дур. Чылды өттүр ай санында-ла бир салбыр хаанга бараан болур ужурлуг турган. Салбыр бүрүзүнге 24 000 кижи турган.

2 Баштайгы айда бирги салбырны Завдиилдиң оглу Яшавам удуртуп турган. Ооң салбырынга 24 000 кижи турган. 3 Ол Фарестиң үре-салгалы ^a, бир дугаар айда шериг баштыңнарының даргазы турган.
4 Ийиги айда шериг салбырының даргазы – ахохи уктуг Додай. Ооң кол дузалакчызын Миклот дээр. Ол салбырга база 24 000 кижи турган.
5 Үшкү айда кол шериг даргазы – Бурганның бараалгакчызы Иодайның оглу Ванея ^b. Ооң салбырынга база 24 000 кижи турган. 6 Ванея дээрге алдаржаан үжен шериг баштыңчызының бирээзи, оларны баштаан кижи турган. Ол салбырга ооң бодунуң оглу Аммизавад база турган.
7 Дөрткү айда шериг даргазы – Иоавтың дуңмазы Асаил ^c. Оглу Зевадия ооң салгакчызы болган. Ол салбырга 24 000 кижи турган.
8 Бешки айда шериг даргазы – израх уктуг Шамхут. Ооң салбырынга 24 000 кижи турган.
9 Алдыгы айда шериг даргазы – Текоя чурттуг Иккештиң оглу Гира. Ооң салбырынга база 24 000 кижи турган.
10 Чедиги айда шериг даргазы – Эфремниң үре-салгалы, Пелон чурттуг Хелец. Ооң салбырынга база 24 000 кижи турган.
11 Сески айда шериг даргазы – Зерахтың үре-салгалы, Хуша чурттуг Сивхай ^d. Ооң салбырынга база 24 000 кижи турган.
12 Тоску айда шериг даргазы – Вениаминниң үре-салгалы, Анатот чурттуг Авиезер. Ооң салбырынга база 24 000 кижи турган.
13 Онгу айда шериг даргазы – Зерахтың үре-салгалы, Нетофа чурттуг Магарай. Ооң салбырынга база 24 000 кижи турган.
14 Он бирги айда шериг даргазы – Эфремниң үре-салгалы, Пирафон чурттуг Ванея. Ооң салбырынга база 24 000 кижи турган.
15 Он ийиги айда шериг даргазы – Гофониилдиң үре-салгалы ^e, Нетофа чурттуг Хелдай. Ооң салбырынга база 24 000 кижи турган.

Аймактарның баштыңчылары

16 Израиль аймактарның баштыңчылары бо-дур:
Рувимниң аймааның даргазы – Зихрийниң оглу Элиезер;
Симеоннуң – Мааханың оглу Шефатия;
17 Левийниң – Кемуилдиң оглу Хашавия ^f (а Аароннуң төрел бөлүүнүң – Садок ^g);
18 Иуданың – Давидтиң төрели Элиуй ^{▼▼ Өске бурунгу сөзүглелде «Элиуй» эвес, «Элиав» деп ат бижээн.};
Иссахарның – Михаилдиң оглу Омри;
19 Завулоннуң – Авдийниң оглу Ишмайя;
Неффалимниң – Азриилдиң оглу Иеримот;
20 Эфремниң аймааның – Азазияның оглу Осия;
Манассияның аймааның чартыының – Федайяның оглу Иоил;
21 Галаадта Манассияның аймааның өске чартыының – Захарияның оглу Иддо;
Вениаминниң – Авенирниң оглу Иаасиил;
22 Данның – Иерохамның оглу Азариил. Израильчилерниң аймактарын баштаан улус ол-дур.

23 Давид хаан чизезин кылып тургаш, чээрби хардан куду назылыг улусту санаваан. Чүге дээрге Дээрги-Чаяакчы израильчилерни дээрниң сылдызы дег хөй кылып каарын аазаан болгай ⁱ. 24 Саруйяның оглу Иоав санаашкынны кылып эгелээш, төндүрбээн ^j. Ол чизе дээш Бурганның килеңи Израильге дүшкен чүве-дир. Ынчангаш оларның санын Давид хаанның чылдар демдеглелиниң номунче кирбээн.

Хаанның өске дүжүметтери

25 Хаанның эртине шыгжамырларын Адиилдиң оглу Азмавет таңныылдап турган.
Шөлде, хоорай-суурда болгаш суургада курлавырларны Озияниң оглу Ионафан хайгаарап турган.
26 Шөлде чер болбаазырадып ажылдап турар улус – Хелувтуң оглу Эзрийниң хайгааралының адаанда.
27 Рама чурттуг Шимей виноград шөлдерин, а виноградтан кылган арага шыгжамырларын Шефам чурттуг Завдий хайгаарап турган.
28 Шефела девискээринде олива болгаш фига ыяштарлыг черни – Гедер чурттуг Баал-Ханан;
олива үзүнүң курлавырын – Иоас;
29 Шарон девискээринде турар бода малды – Шарон чурттуг Шитрай;
шынааларда малды – Адлайның оглу Шафат;
30 тевелерни – измаил уктуг Овил;
элчигеннерни – Меронот чурттуг Иехдия;
31 шээр малды – агар уктуг ^k Иазиз кадарып турган. Олар шупту Давид хаанның кошкул-хөреңгизиниң удуртукчулары турган.

32 Давидтиң төрел акызы, угаанныг Ионафан бижээчи эки сүмелекчи турган.
Хакмон уктуг ^{▼▼ Азы: «Хакмониниң оглу».} Иехиил хаанның оолдарын кижизидип турган.
33 Ахитофел – хаанның сүмелекчизи турган ^m.
Архи уктуг Хусий – хаанның өңнүү турган ⁿ.
34 Ахитофелдиң салгакчылары Ванеяның оглу Иодай биле Авиафар турган.
Иоав – хаанның шериг даргазы турган ^o.