1 Chronicles 4
Иуданың үре-салгалы
1Иуданың үре-салгалы a: Фарес, Хецрон, Харми, Хур болгаш Шовал b. 2Шовалдың оглу Реайя Яхатты төрээн. Яхаттан Ахумай биле Лагад төрүттүнген. Олардан Цора чурттугларның төрел бөлүктери укталган c. 3Этамның оолдары ▼▼ Өске бурунгу сөзүглелде «оолдары» эвес, а «адазы» деп бижээн.
бо-дур: Изреел, Ишма болгаш Идбаш. Оларның кыс дуңмазы – Гацлелпони. 4Эфратаның дун оглу, Вифлеемниң үндезилекчизи Хурнуң оолдары бо-дур e: Пенуэл (Гедорнуң үндезилекчизи) база Эзер (Хушаның үндезилекчизи). 5Текояның үндезилекчизи Ашхур f ийи кадайлыг турган: Хела биле Наара. 6Наара Ашхурга Ахузам, Хефер, Тимни болгаш Ахашфари деп оолдарны божуп берген. Наараның оолдары ол-дур. 7Хеланың оолдары: Церет, Цохар болгаш Этнан. 8Коцтан Анув биле Цовева төрүттүнген база Гарумнуң оглу Ахархелдиң төрел бөлүктери укталган. 9Иавис деп кижи бодунуң акы-дуңмаларындан артык алдарлыг апарган. (Авазы: «Мен ону хинчектенип тургаш божаан мен» – дээш, Иавис деп адап каан ▼▼ «Иавис» деп ат «хилинчек» деп еврей сөске дөмейлешкек.
). 10Иавис Израильдиң Бурганынче кыйгы салгаш, мөргээн: «Сен меңээ Бодуңнуң ачы-буяныңны хайырлап, мээң черимниң девискээрин делгемчидип каан болзуңза! Хилинчектенмес кылдыр, Сээң холуң мени айыыл-халаптан камгалап, деткээн болза!» Ынчан Бурган ооң дилээн хандырган. 11Шуханың дуңмазы Хелув Махирни төрээн. Махир дээрге Эштоннуң адазы-дыр. 12Эштоннуң оолдары: Бет-Рафа, Пасеах болгаш Техинна (Наас хоорайның үндезилекчизи). Олар Реханың чурттакчылары-дыр. 13Кеназтың оолдары: Гофониил h биле Серайя. Гофониилдиң оолдары: Хатат биле Меонатай ▼▼ Өске бурунгу сөзүглелдерде «Меонатай» деп ат таварышпайн турар.
. 14Меонатайның оглу Офра, а Серайяның оглу Иоав. Иоав – Харашим шынаазының үндезилекчизи. Ол шынааның чурттакчылары ус-дарган улус болган. 15Иефоннийниң оглу Халевтиң j оолдары: Ир, Ила болгаш Наам. Иланың оглу: Кеназ. 16Иегаллелелдиң оолдары: Зиф, Зифа, Тирия болгаш Асареел. 17– 18Эзраның оолдары: Иетер, Меред, Эфер болгаш Иалон. Мередтиң кадай кылдыр алганы фараоннуң уруу Битьяның оолдары бо-дур: Мириам, Шаммай болгаш Ишбах (Эштемоаның үндезилекчизи) ▼▼ Бо домактың утказы эки билдинмес. Өске бурунгу сөзүглелди ёзугаар ол үш оол Иетерден төрүттүнген.
. Ооң иудей кадайы Иередти (Гедорнуң үндезилекчизин), Хеверни (Сохонуң үндезилекчизин) болгаш Иекутиилди (Заноахтың үндезилекчизин) төрээн. 19Годияның кадайы Нахамның кыс дуңмазы болур. Ооң үре-салгалы: Кеила чурттуг гарми төрел бөлүк база Эштемоа чурттуг мааха төрел бөлүк. 20Шимоннуң оолдары: Амнон, Ринна, Бенханан болгаш Тилон. Ишийниң оолдары: Зохет биле Бен-Зохет. 21Иуданың оглу Шеланың үре-салгалы l: Леханың үндезилекчизи Ир; Марешаның үндезилекчизи Лаеда; Бет-Ашбея чурттуг лён кылып турар төрел бөлүктер; 22Иоким база Хозеваның чурттакчылары; Моавтың чагырыкчылары Иоас биле Сараф; Иашуви-Лехем база ▼▼ Бо домактың утказы эки билдинмес. Ооң болгу дег өске утказы мындыг: «Моав кыстар-биле өгленип алгаш, Лехемче ээп келген Иоас биле Сараф».
. (Ол шагда-ла болган болуушкуннар-дыр.) 23Олар дээрге пор сава кылыкчызы улус-тур, олар Нетаим биле Гедерага чурттап, хаанга бараан болуп чораан. Симеоннуң үре-салгалы
24Симеоннуң оолдары n: Немуил, Ямин, Ярив, Зерах болгаш Саул. 25Саулдуң оглу Шаллум. Шаллумнуң оглу Мивсам. Мивсамның оглу Мишма. 26Мишманың оглу Хаммуил. Хаммуилдиң оглу Заккур. Заккурнуң оглу Шимей. 27Шимей он алды оолдуг, алды кыстыг турган. А ооң акы-дуңмаларының ажы-төлү хөй эвес турган. Ынчангаш оларның төрел бөлүктериниң саны Иуданың аймаанга бодаарга, шоолуг хөй эвес турган ▼▼ Симеоннуң аймааның ээлээн чери Иуданың аймааның чериниң иштинге турган.
. 28– 29– 30– 31Давид хаанның үезинге чедир Симеоннуң үре-салгалы дараазында хоорайларга чурттап турган p: Беэр-Шевага, Моладага, Хацар-Шуалга, Вилгага, Эцемге, Толадка, Вефуилге, Хормага, Циклагка, Бет-Маркавотка, Хацар-Сусимге, Бет-Бирейге база Шааримге. 32Симеончулар чоок-кавы суурлары-биле кады Этам, Аин, Риммон, Токен болгаш Ашан деп беш хоорайлыг база турган. 33Ол хоорайларны долгандыр Ваал хоорайга чедир суурлар оларныы турган. Симеоннуң аймааның чурттап чораан девискээри ындыг турган-дыр. Симеончулар ада-өгбелериниң даңзызын утпайн чораан. 34Мешовав, Ямлех, Амасияның оглу Иоша, 35Иоил, Иошиваның оглу Иеху (Иошиваның адазы – Серайя, Серайяның адазы – Асиил), 36Элиоенай, Якова, Ишохайя, Асайя, Адиил, Ишимиил, Ванея, 37Шифиниң оглу Зиза (Шифиниң адазы – Аллон, Аллоннуң адазы – Иедайя, Иедайяның адазы – Шимри, Шимриниң адазы – Шемайя) – 38аттарын адаткан ол кижилер шупту төрел бөлүктериниң баштыңнары чораан. Оларның төрел бөлүктери өзүп-көвүдээн болгаш, 39олар мал-маганынга одар-белчиир дилеп, Гедор чанында шынааның чөөн талазынга чедир көжүп чораан. 40Ынчалдыр олар чаагай одарларлыг, делгем, оожум болгаш айыыл чок черлерни тып алганнар. Олар келгижеге чедир, аңаа Хаамның чамдык үре-салгалы чурттап турган. 41Аттары бижиттинген улус иудей хаан Эзекияның үезинде q чедип келгеш, Хаамның үре-салгалының майгыннарын болгаш Меун r деп аймакты ▼▼ Азы: «Ол кавыга доктаамал болгаш көжүп чурттап чораан чонну».
бүрүнү-биле узуткап каапкаш, оларның черинге бо хүннерге чедир турумчуп алганнар. Чүге дээрге ол черлер оларның мал-маганынга тааржыр одар-белчиирлиг болган. 42Оон аңгыда Симеоннуң үре-салгалының аразындан 500 кижи Сеир дагларынче чорупкан t. Оларны Ишийниң оолдары – Фелатия, Неария, Рефайя болгаш Узиил баштап чораан. 43Сеирге олар артып калган амаликтерни u чылча шаап кааш, бо хүннерге чедир ында чурттап чоруурлар.
Copyright information for
TyvTUV