a1 Хаан. 28:4
b1 Хаан. 14:49; 1 Чыл. 8:33; 9:39
cБашт. 9:54
d2 Хаан. 1:10
e2 Хаан. 1:20
fБашт. 16:23; 1 Хаан. 5:2
g1 Хаан. 11:1-11; 2 Хаан. 21:10
h2 Хаан. 21:12
i1 Хаан. 13:13; 15:23
j1 Хаан. 28:7

‏ 1 Chronicles 10

Саулдуң болгаш ооң оолдарының өлүрткени

(1 Хаан. 31:1-13)

1Филистимнер биле израильчилер аразынга тулчуушкун үезинде, израильчилер дайзыннардан Гелвуя даанга чедир дескеш a, аңаа кыра шаптырып алган. 2Филистимнер Саулду болгаш ооң оолдарын сүрүп четкеш, Саулдуң оолдары Ионафанны, Авинадавты база Малхисуаны өлүрүп каапканнар b.

3Саулче халдаашкын кадыг-дошкун болган. Ча-согун-биле хөй катап аттыргаш, Саул балыгланган. 4Саул бодунуң чепсек тудукчузундан: «Ол кыртыжадып демдектетпээн хейлер чедип келгеш, мени куду көрбээнде, хылыжың ужулгаш, мени шанчып каавыт» – деп дилээн c. Чепсек тудукчузу аажок корга бергеш, ынаваан. Ынчан Саул хылышты алгаш, бодун шаштыныпкан d. 5Чепсек тудукчузу Саулдуң өлүп калганын көргеш, бодун база хылыш-биле шаштыныпкаш, өлүп калган чүве-дир. 6Ынчалдыр Саул болгаш ооң үш оглу өлүп калган, олар-биле кады ооң бүгү ук-салгалы кырлып төнген.

7Шынаада чурттап турар бүгү израильчилер оларның шерииниң дезип турарын, Саулдуң база ооң оолдарының өлүп калганын дыңнааш, боттарының хоорайларын ээн каггылапкаш чорупканнар. А филистимнер келгеш, хоорайларны ээлеп чурттай бергеннер.

8Даартазында филистимнер өлүрткен улусту үптеп аар дээш чедип келгеш, Гелвуя даанга өлүрткен Саулду база ооң оолдарын тып алганнар. 9Саулдуң мөчү-сөөгүн үптээш, бажын база ок-чепсээн ап алгаш, бүгү филистим черге көргүзери-биле чорудупканнар e. Ынчалдыр олар чонга тиилелгезиниң дугайында боттарының дүрзү-бурганнарының мурнунга чарлапканнар. 10Саулдуң ок-чепсээн боттарының бурганнарының өргээлеринге салып каан, а ооң бажын Дагон бурганның өргээзинге азып кааннар f. 11Галаадта Иавистиң бүгү чурттакчылары филистимнерниң Саулду канчалганының дугайында дыңнап кааш g, 12бүгү эрес-дидим улузу чорупкаш, Саулдуң база ооң оолдарының мөчү-сөөгүн дүжүрүп алган h. Оларны Иависке эккелгеш, дуб ыяш адаанга ажаап кааш, чеди хонук иштинде кажыыдап, чем чивейн турган чүве-дир.

13– 14Саул ынчалдыр өлген, чүге дээрге ол Дээрги-Чаяакчының сөзүн тооп көрбейн, Аңаа удур кем-буруу үүлгеткен i база, айтырыг кылып, Дээрги-Чаяакчының орнунга караң көрнүр кижиге барган j. Ынчангаш Дээрги-Чаяакчы ону өлүрүп кааш, ооң хааннаар эргезин Иессейниң оглу Давидке берипкен.
Copyright information for TyvTUV