1 Chronicles 15
Ыдыктыг аптараны көдүреринге харыысалгалыг левиттер, бараалгакчылар
1Давидтиң Хоорайынга хаан бажыңнар тудуп алган соонда, Бурганның аптаразының турар черин белеткээш, аңаа майгын тип каан. 2Ынчан Давид: «Бурганның аптаразын левиттерден өске кым-даа көдүрүп болбас. Чүге дээрге оларны ыдыктыг аптараны көдүрзүн дээш база Аңаа мөңге шагда бараан болзун дээш, Дээрги-Чаяакчы Боду шилип алган» – дээн. 3Белеткеп кааны черинче Дээрги-Чаяакчының аптаразын киирер дээш, Давид бүгү израильчилерни Иерусалимче чыып эккелген. 4Ол ышкаш Давид Аароннуң салгалдарын база левиттерни чыып алган a: 5Кохаттың үре-салгалындан – 120 кижини оларның баштыңы Уриил-биле; 6Мерариниң үре-салгалындан – 220 кижини оларның баштыңы Асайя-биле; 7Гирсоннуң үре-салгалындан – 130 кижини оларның баштыңы Иоил-биле; 8Элицафанның үре-салгалындан – 200 кижини оларның баштыңы Шемайя-биле; 9Хевроннуң үре-салгалындан – 80 кижини оларның баштыңы Элиел-биле; 10Узиилдиң үре-салгалындан – 112 кижини оларның баштыңы Аминадав-биле. 11Оон ыңай Давид Бурганның бараалгакчылары Садок биле Авиафарны b болгаш левиттер Уриил, Асайя, Иоил, Шемайя, Элиел база Аминадавты кыйгыргаш, 12оларга: «Силер – левиттерниң төрел бөлүктериниң баштыңнары-дыр силер. Бодуңар болгаш ха-дуңмаңар ыдыктанып-арыглаттынып алгаш, Израильдиң Бурганы Дээрги-Чаяакчының аптаразын мээң белеткеп кааным черже эккелиңер. 13Мооң мурнунда Бурганывыс Дээрги-Чаяакчы ыдыктыг аптараны левиттер силер эвес, өске улустуң көдүргени дээш, бисче халдаан болгай c. Ону канчаар кылыр ужурлуг турганын бис Дээрги-Чаяакчыдан айтырып албаан болган бис». 14Бурганның бараалгакчылары болгаш левиттер, Израильдиң Бурганы Дээрги-Чаяакчының аптаразын көдүрер дээш, ыдыктанып-арыглаттынып алганнар. 15Левиттер Бурганның аптаразын, Моисейниң чагып кааны Дээрги-Чаяакчының сөзүн ёзугаар, узун ыяш кырынга салгаш, эгиннеринге салып алган көдүрүп чорааннар d.Хөгжүмчү левиттер
16Давид левиттерниң баштыңнарынга аймааның аразындан ыраажыларын база чадаган, чанзы болгаш кимвалдарга ойнаар хөгжүмчүлерин өөрүшкүнүң ырын ыыткыр ырлаары-биле томуйлап каарын дужааган e. 17Левиттер Иоилдиң оглу Еманны, ооң төрелдеринден – Берехияның оглу Асафты база мерари төрел бөлүктен – Кушайяның оглу Эфанны шилип алганнар f. 18Олар-биле кады олардан куду эргелиг: Захарияны ▼▼ Өске бурунгу сөзүглелде «Бен» деп атты немээн.
, Азиилди, Шемирамотту, Иехиилди, Уннийни, Элиавты, Ванеяны, Маасеяны, Маттафияны, Элифлеуйну, Микнейни база Овед-Эдом биле Иеиел деп хаалгачыларны база томуйлап кааннар. 19Еман, Асаф болгаш Эфан h хөгжүмчүлер хүлер кимвалдарга ыыткыр ойнаар турган. 20Захария, Азиил, Шемирамот, Иехиил, Унний, Элиав, Маасея база Ванея – чанзыга аламот деп аян-биле ойнаар ▼▼ Аламот, шеминит – бо сөстерниң утказы эки билдинмес. «Аламот» дээрге «бедик үн», а «шеминит» – «чавыс үн» дээн чадавас (Ыд. ыр. 6:1; 45:1 көр).
. 21А Маттафия, Элифлеуй, Микней, Овед-Эдом, Иеиел болгаш Азазия чадаганга ойнап, шеминит* деп аян-биле ырлаарын баштап турган. 22Левиттерниң баштыңы Хенания ыры башкызы ▼▼ Бо сөстерниң утказы эки билдинмес. Болгу дег өске утказы мындыг: «Ыдыктыг аптараны көдүрер кол кижи».
турган, чүге дээрге ооң мергежилдии кончуг. 23Берехия биле Элкана – ыдыктыг аптара чанында хаалгачылар. 24Бурганның бараалгакчылары Шевания, Иосафат, Нафанаил, Амессай, Захария, Ванея база Элиезер Бурганның аптаразының мурнунга труба этсир ужурлуг k. Овед-Эдом биле Иехия – ыдыктыг аптара чанында хаалгачылар. Ыдыктыг аптараны Иерусалимче эккелгени
(2 Хаан. 6:12-19)
25Давид болгаш Израильдиң баштыңнары база муң шериг баштыңчылары Дээрги-Чаяакчының чагыг-керээзиниң аптаразын Овед-Эдомнуң бажыңындан үндүрер дээш чорупканнар. 26Дээрги-Чаяакчының аптаразын көдүрген левиттерге Бурган дузалажып каарга, чеди бугажыкты база чеди кошкарны өргүл кылдыр салганнар l. 27Давид, аптара көдүрүп чораан бүгү левиттер, ыраажылар болгаш оларның башкызы Хенания шуптузу ак лён тоннуг чораан. Давид оон аңгыда лён эфод ▼▼ Эфод – Бурганның бараалгакчылары кедер онзагай хеп (Хост. 28:6 көр).
кедип чораан. 28Ынчалдыр бүгү Израиль Дээрги-Чаяакчының ыдыктыг аптаразын ыыт-шимээнниг, эдиски-трубаларның, кимвалдарның, чадаган-чанзының үделгези-биле киирип эккелген. 29Дээрги-Чаяакчының ыдыктыг аптаразын Давидтиң Хоорайынче киирип орда, Саулдуң уруу Мелхола n соңгадан көрүп турган. Самнап хөглеп чораан o Давид хаанны көргеш, Мелхола ону чөгенчиин деп бодаан.
Copyright information for
TyvTUV