1 Chronicles 26
Бурганның өргээзиниң хаалгачылары
1Хаалгачыларның үлелгези бо-дур. Корахтың төрел бөлүүнден: Асафтың үре-салгалы, Корениң оглу Мешелемия. 2Мешелемияның оолдары: дун оглу Захария a, ийигизи Иедиаил, үшкүзү Зевадия, дөрткүзү Иатниил, 3бешкизи Элам, алдыгызы Иегоханан, чедигизи Элиоенай. 4Овед-Эдомнуң b оолдары: дун оглу Шемайя, ийигизи Иегозавад, үшкүзү Иоах, дөрткүзү Сахар, бешкизи Нафанаил, 5алдыгызы Аммиил, чедигизи Иссахар, сескизи Пеултай. (Дээрги-Чаяакчы Овед-Эдомга ачы-буянын хайырлап каан болгай.) c 6Шемайя деп оглунуң оолдары шупту күштүг-шыырак улус болгаш, төрел бөлүүнде удуртукчулар турган. 7Шемайяның оолдары: Офни, Рефаил, Овид, Элзавад. Оларның төрелдери Элиуй биле Семахия база шыырак улус чораан. 8Олар шупту Овед-Эдомнуң үре-салгалы болган. Оларның боттары-даа, оолдары болгаш ха-дуңмазы-даа шупту ажылга кызымак, шыырак улус болган чүве-дир. Шупту алдан ийи кижи d. 9Мешелемияның оолдары болгаш ха-дуңмазы – он сес шыырак кижи болган. 10Мерариниң төрел бөлүүнден Хосаның оолдары: Шимри – кол кижи. (Шимри дун оглу эвес-даа болза, ачазы ону кол кижи кылып каан.) 11Ийигизи Хелкия, үшкүзү Тевалия, дөрткүзү Захария. Хосаның оолдары болгаш ха-дуңмазы шупту он үш кижи турган. 12Бо хаалгачылар, боттарының ха-дуңмазы ышкаш, Дээрги-Чаяакчының өргээзинге бараан болур албан-хүлээлгелерин боттарының баштыңнарының аайы-биле алганнар. 13Кайы хаалгаларны кадарарын тодарадыр дээш, олар төрел аймак аайы-биле улуг-бичези деңге төлге даштары октааннар e. 14Чөөн талакы хаалганың төлгези Шелемияга дүшкен. Ооң оглу – угаанныг сүмелекчи Захария дээш төлге октаарга, аңаа Соңгу хаалга онаашкан. 15Мурнуу чүкте хаалганың төлгези Овед-Эдомга дүшкен, а курлавыр бажыңнарының f төлгези ооң оолдарынга таварышкан. 16Барыын талакы хаалганың база үстүү орукта Шаллехет хаалганың төлгелери Шуппим биле Хосага дүшкен. Таңныылдар душ-дужунда тургулап алган турар чүве-дир. 17Чөөн талада алды, соңгу болгаш мурнуу чүктеринде дөрт-дөрт, а курлавыр бажыңнарында ийи-ийи таңныыл левит турган. 18Барыын талада Парбар деп черге ийи, а оон үнген орукка дөрт кижи турган. 19Корах болгаш Мерариниң үре-салгалдары боор хаалгачыларның үлелгези бо-дур.Левиттерниң өске албан-хүлээлгелери
20Оларның ха-дуңмазы левиттер ▼▼ Өске бурунгу сөзүглелде «Левиттерниң бирээзи Ахия» деп бижээн.
Бурганның өргээзиниң үнелиг эртинелерин база ыдыктыг өргүл-белектерни кадарып турган. 21– 22Гирсондан укталган Лаеданның оолдары – төрел бөлүүнүң баштыңнары гирсончулар: Иехиил болгаш ооң оолдары Зетам биле Иоил h Дээрги-Чаяакчының өргээзинде эртинелерни кадарып турган. 23Амрам, Ицгар, Хеврон болгаш Узиилден укталган левиттерге хамаарыштыр: 24Моисейниң оглу Гирсамдан укталган Шевуил i эртинелер шыгжамырларының кол таңныылы турган. 25Гирсамның дуңмазы Элиезерниң оглу Рехавия j, ооң оглу Исайя. Исайяның оглу Иорам, ооң оглу Зихрий. Зихрийниң оглу Шеломит. 26Шеломит бодунуң ха-дуңмазы-биле кады Давид хаанның, төрел бөлүктер баштыңнарының, муң, чүс шериг даргаларының Дээрги-Чаяакчыга тураскааткан өргүл-белектериниң шыгжамырларын k кадарып турган. 27Чаалап тыпкан олчаларының чамдыызы-биле ол дайынчылар Дээрги-Чаяакчының өргээзин хандырып турган. 28Өттүр көөр Самуилдиң-даа, Кистиң оглу Саулдуң-даа, Нирниң оглу Авенирниң-даа, Саруйяның оглу Иоавтың-даа – оларның тыпкан бүгү олча-кежии Шеломиттиң болгаш ооң ха-дуңмазының холунга баар турган. 29Ицгарның төрел бөлүүнден: Хенания болгаш ооң оолдары Бурганның өргээзинден дашкаар ажылдар кылып турган l, олар бижээчилер болгаш шииткекчилер турган. 30Хевроннуң төрел бөлүүнден: Хашавия m болгаш ооң ха-дуңмазы – 1700 шыырак улус – Иордан хемниң барыын талазында израиль черни хайгаарап, Дээрги-Чаяакчыга болгаш хаанга бараан болуп турган. 31Хеврончуларның кол кижизи Иерия турган n. Давидтиң хааннаашкынының дөртен дугаар чылында хеврончуларның төрел бөлүүн шинчилеп көөрге, Галаадтың Иазер хоорайда o кончуг күштүг-шыырак улус бар болган. 32Давид ынчангаш Иерияны болгаш ооң 2700 шыырак ха-дуңмазын (шуптузу төрел бөлүктер баштыңнары) Бурганның болгаш хаанның бүгү ажыл-херектерин күүседир кылдыр томуйлап, Рувимниң, Гадтың аймактарының база Манассияның аймааның чартыының даргалары кылып каан чүве-дир.
Copyright information for
TyvTUV