a1 Чыл. 23:2
bИса. 60:13; 66:1; Иез. 43:7
c2 Хаан. 7:1; 1 Чыл. 17:1
d2 Хаан. 7:5
e3 Хаан. 5:3; 1 Чыл. 22:8
f1 Хаан. 16:12-13
g1 Чыл. 17:27
hЭ. д. 49:8; Ыд. ыр. 77:68; 1 Чыл. 5:2
i1 Чыл. 3:1-9; 14:3-7
j1 Чыл. 22:9; 2 Чыл. 1:8; 6:10
k2 Хаан. 7:13-14
l1 Чыл. 29:17; У. ч. 17:3
m3 Хаан. 8:39; 2 Чыл. 6:30; Аж.-ч. 1:24
n2 Чыл. 15:2; Иса. 55:6; Иер. 29:13
o1 Чыл. 23:6; 24:6
pХост. 25:20
qЫд. ыр. 17:11; 98:1
rХост. 25:40
sИис. 1:6; 1 Чыл. 22:13

‏ 1 Chronicles 28

Өргээ дугайында Давидтиң чагыы

1Давид Израильдиң бүгү баштыңчыларын: аймактар баштыңчыларын, хаанга бараан болуп турар шериг салбырларының даргаларын, муң болгаш чүс шериг баштыңнарын, хаанның болгаш оолдарының кошкул-хөреңгизиниң удуртукчуларын, дүжүметтерин, дайынчыларын – бүгү күштүг-шыырак улусту Иерусалимге чыып алган a. 2Давид хаан туруп келгеш, чугаалаан:

«Мени дыңнаңар, ха-дуңма чонум! Бурганывыстың будун салыр ширтээ b – Дээрги-Чаяакчының ыдыктыг аптаразы турар өргээ тудуп кагзымза деп күзеп чордум c, ону тударынга херектиг чүүлдерни белеткеп каан мен. 3Ынчалза-даа Бурган меңээ: „Мээң адымга тураскааткан өргээни сен тутпас сен d. Чүге дээрге сен хөй чаалашкан, хөй хан төп чораан кижи-дир сен“– диди e. 4Израильдиң Бурганы Дээрги-Чаяакчы бүгү төрелдерим аразындан мени шилип алгаш f, Израильдиң мөңгеде хааны кылып каан болгай g. Бурган Иуданың аймаан тергиидээр кылдыр h, а ол аймак иштинден мээң төрел бөлүүмнү шилип алган. Оон Дээрги-Чаяакчы ачамның оолдарының аразындан бүгү израиль чонну чагырар кылдыр мени шилип алган.

5Дээрги-Чаяакчы меңээ хөй оолдарны берген i. Оларның аразындан Ол мээң оглум Соломонну шилип алгаш, Бодунуң бергени хаанның дүжүлгезинге олуртуп, Израильди чагырзын деп турар-дыр j. 6Меңээ Ол: „Мээң ордумну болгаш ооң шөлдерин сээң оглуң тудуп каар. Ону Мен Бодумга оол кылдыр шилип алдым, ынчангаш Мен ооң Адазы болур мен k. 7Бир эвес ол Мээң айтыышкыннарымны, дүрүмнеримни бо хүнге чедир сагып келгени дег күүседир болза, ооң хааннаашкынын мөңгеде быжыглап каар мен“– диди. 8Бөгүн мен Дээрги-Чаяакчының бүгү израиль чону көрүп турда, Бурганывыс дыңнап турда, силерге чагыг берип тур мен: бодуңарның Бурганыңар Дээрги-Чаяакчының бүгү айтыышкыннарын шыңгыы сагып чоруңар! Ынчан бо магалыг-чаагай черни ээлээрин уламчылап, ажы-төлүңерге ону өнчү кылдыр арттырып бээр силер.

9А сен, оглум Соломон, ачаңның Бурганын билип ал, Аңаа бүгү сеткил-сагыжыңдан, эки тураң-биле бараан бол, чүге дээрге Дээрги-Чаяакчы бүгү улустуң чүрээн шылгап l, оларның бодалдарының шимчээшкиннерин билир болгай m. Бир эвес Олче чүткүүр болзуңза, Ол сеңээ тыптыр n. А бир эвес Оон ойталаар болзуңза, Ол сенден кезээ мөңгеде хая көрнү бээр. 10Көр даан, сени Дээрги-Чаяакчы ыдыктыг өргээзин тудар кылдыр шилип алган. Кадыг-быжыг бол, хөделип эгеле».

11Ынча дээш, Давид оглу Соломонга өргээниң хевир-чуруун берип каан. Ында ооң серилиг черин, янзы-бүрү тудугларын, эртинелиг шыгжамырларын, үстүкү өрээлдерин, иштики өрээлдерин, ыдыктыг аптара турар өрээлди – шуптузун көргүзүп каан болган. 12Дээрги-Чаяакчының өргээзин Давид канчаар кылыксап турганыл, ынчалдыр көргүзүп каан: ооң шөлдерин, долгандыр өрээлдерни, Бурганның өргээзиниң эртинелерин болгаш ыдыктыг өргүл-белектерин шыгжаар өрээлдерни – шупту чүвени ында көргүзүп каан чүве-дир. 13Бурганның бараалгакчыларының база левиттерниң салбырларының дугайында чагыгларын o, Дээрги-Чаяакчының өргээзинге бараан болуушкуннуң бүгү ажылдарын, херекселдерин чагып каан. 14Янзы-бүрү бараан болуушкуннарда ажыглаар алдын-мөңгүн херекселдерниң деңзизин; 15бараан болуп турда ажыглаар янзы-бүрү алдын-мөңгүн чырыткыларның болгаш деңнерниң деңзизин; 16Дээрги-Чаяакчының мурнунга ыдыктыг хлеб салыр алдын ширээлерге алдынны, мөңгүн ширээлерге мөңгүннү; 17арыг алдындан кылган илбектер, аяктар болгаш дашкаларны; янзы-бүрү алдын-мөңгүн тавактарның деңзизин; 18айдызаар өргүл салыр бедигээшке деңзилеп каан арыг алдынны; херип алган чалгыннары-биле Дээрги-Чаяакчының ыдыктыг аптаразын шып алган p, Ооң мунганы алдын херувимнерниң q овур-хевирин база оглунга берген. 19Бо бүгү Дээрги-Чаяакчының Давидке айтып каанын ёзугаар хевир-чурукче киир бижиттинген r.

20Оон ыңай Давид оглу Соломонга мынча дээн: «Кадыг-быжыг болгаш эрес-дидим бол s, хөделип эгеле! Чүден-даа сестип кортпа, чүге дээрге Бурганым – Дээрги-Бурган-Чаяакчы – сээң-биле кады. Ол сени кагбас, сенден ойталавас, Ооң өргээзинде бараан болур ажылдарны албан доозар сен. 21Бурганның бараалгакчыларының, левиттерниң салбырлары Ооң өргээзинге кандыг-даа ажылды кылырынга белен. Ус-шевер ажылдың кайы-даа хевирин билир кижи эки тура-биле сеңээ дузалажыр, нояннар болгаш бүгү чон сээң бүгү дужаалдарыңны күүседиринге белен».
Copyright information for TyvTUV