1Ch 6 | TyvTUV | STEP | Левийниң оолдары: Гирсон, Кохат болгаш Мерари .

‏ 1 Chronicles 6

Дээди бараалгакчы болур левиттер

(Эзра 7:1-5)

1 Левийниң оолдары: Гирсон, Кохат болгаш Мерари ^a. 2 Кохаттың оолдары: Амрам, Ицгар, Хеврон болгаш Узиил ^b. 3 Амрамның ажы-төлү: Аарон, Моисей болгаш Мариам ^c. Аароннуң оолдары: Надав, Авиуд, Элеазар болгаш Ифамар ^d.

4 Элеазар Финеести төрээн ^e, Финеес Авишуйну төрээн. 5 Авишуй Буккийни төрээн, Буккий Узийни төрээн. 6 Узий Зерахияны төрээн, Зерахия Мерайотту төрээн. 7 Мерайот Амарияны төрээн, Амария Ахитувту төрээн. 8 Ахитув Садокту төрээн ^f, Садок Ахимаасты төрээн. 9 Ахимаас Азарияны төрээн ^g, Азария Иохананны төрээн. 10 Иоханан Азарияны төрээн. Азария дээрге Соломоннуң Иерусалимге тудуп кааны өргээзинге Бурганның бараалгакчызы болуп турган кижи ол. 11 А Азария Амарияны төрээн, Амария Ахитувту төрээн. 12 Ахитув Садокту төрээн, Садок Шаллумну төрээн ^h. 13 Шаллум Хелкияны төрээн, Хелкия Азарияны төрээн. 14 Азария Серайяны ⁱ төрээн, Серайя Иоседекти төрээн. 15 Дээрги-Чаяакчы Иудея биле Иерусалим чурттугларны Навуходоносорнуң холу-биле өскээр көжүрүп турда ^j, Иоседек база туттуругга барган.

Левийниң өске үре-салгалы

16 Левийниң оолдары: Гирсон ^{▼▼ Өске бурунгу сөзүглелде «Гирсам» деп бижээн.}, Кохат болгаш Мерари ^l. 17 Гирсоннуң оолдары: Ливни болгаш Шимей. 18 Кохаттың оолдары: Амрам, Ицгар, Хеврон болгаш Узиил ^m. 19 Мерариниң оолдары: Махли биле Муши ⁿ.

Өгбелериниң аайы-биле Левийден укталган төрел бөлүктер бо-дур. 20 Гирсондан: ооң оглу Ливни, Ливниниң оглу Яхат, Яхаттың оглу Зимма, 21 Зимманың оглу Иоах, Иоахтың оглу Иддо, Иддонуң оглу Зерах, Зерахтың оглу Иеафрай.

22 Кохаттың үре-салгалы: Аминадав, ооң оглу Корах, Корахтың оглу Асир, 23 Асирниң оглу Элкана, Элкананың оглу Авиасаф ^o, Авиасафтың оглу Асир, 24 Асирниң оглу Тахат, Тахаттың оглу Уриил, Уриилдиң оглу Узия, Узияның оглу Саул. 25 Элкананың үре-салгалы: Амессай биле Ахимот, 26 Ахимоттуң оглу Элкана, Элкананың оглу Цофай, Цофайның оглу Нахат, 27 Нахаттың оглу Элиав, Элиавтың оглу Иерохам, Иерохамның оглу Элкана. 28 Самуилдиң оолдары: дун оглу Иоил, ийи дугаар оглу Авия ^{▼▼ Өске бурунгу сөзүглелде «Иоил» деп ат таварышпайн турар.}.

29 Мерариниң үре-салгалы: Махли, ооң оглу Ливни, Ливниниң оглу Шимей, Шимейниң оглу Уза, 30 Узаның оглу Шима, Шиманың оглу Хаггия, Хаггияның оглу Асайя.

Бурганның өргээзинде хөгжүмчүлер

31 Ыдыктыг аптараны Дээрги-Чаяакчының өргээзинге аппарып каанының соонда, Давидтиң аңаа ыраажылар даргалары кылып каан улузунуң аттары бо-дур ^q. 32 Соломоннуң Иерусалимге Дээрги-Чаяакчының өргээзин тудуп каарынга чедир ^r, олар Ужуражылга майгынының мурнунга ырлап бараан бооп турганнар. Олар доктааткан дүрүм ёзугаар боттарының хүлээлгезин күүседип келген. 33 Оолдары-биле кады орта бараан болуп турган улус бо-дур:

Кохаттың үре-салгалындан – ыраажы Еман ^s. Ооң ада-өгбелери бо-дур: Иоил, Самуил, 34 Элкана, Иерохам, Элиил, Тоах, 35 Цуф, Элкана, Махат, Амессай, 36 Элкана, Иоил, Азария, Софония, 37 Тахат, Асир, Эвиасаф, Корах, 38 Ицгар, Кохат, Левий, Израиль.

39 Еманның оң талазынга ооң төрели Асаф ^t туруп алгаш, ырлап чораан. Асафтың ада-өгбези бо-дур: Берехия, Шима, 40 Михаил, Ваасея, Малхия, 41 Эфний, Зерах, Адайя, 42 Эфан, Зимма, Шимей, 43 Яхат, Гирсон, Левий.

44 А оларның ха-дуңмалары – Мерариниң үре-салгалының төлээлекчизи Эфан ^u солагай талазынга турган. Эфанның ада-өгбези бо-дур: Киший, Авдий, Маллух, 45 Хашавия, Амасия, Хелкия, 46 Амций, Бани, Шемер, 47 Махли, Муши, Мерари, Левий.

Аароннуң үре-салгалы

48 Оларның өске ха-дуңмалары болур левиттерге Бурганның өргээ-бажыңында янзы-бүрү ажылдар онаажып турган. 49 А Аарон болгаш ооң үре-салгалы аажок ыдыктыг албан-хүлээлге кылып, бүрүн өрттедир өргүл бедигээжи база айдызаар өргүл бедигээжинге өргүлдер салып ^v, израиль чонну хай-бачыдындан арыглап ^w, Бурганның чалчазы Моисейниң айытканы-биле бараан болуп турганнар. 50 Аароннуң үре-салгалы бо-дур ^x: ооң оглу Элеазар, Элеазарның оглу Финеес, Финеестиң оглу Авишуй, 51 Авишуйнуң оглу Буккий, Буккийниң оглу Узий, Узийниң оглу Зерахия, 52 Зерахияның оглу Мерайот, Мерайоттуң оглу Амария, Амарияның оглу Ахитув, 53 Ахитувтуң оглу Садок, Садоктуң оглу Ахимаас.

Левиттерниң чурттаан черлери

(Сан. 35:1-8; Иис. 21:1-42)

54 Левиттерниң хувааглыг девискээрлерге чурттаан черлери бо-дур. Баштайгы төлге даштары Кохаттың төрел бөлүүнүң аразында Аароннуң үре-салгалынга дүшкен чүве-дир ^y. 55 Оларга Иуданың черинде Хеврон хоорайны болгаш ооң чоок-кавызында одар-белчиирлиг черлерни берген. 56 (А хоорайны долгандыр турар шөлдерни болгаш суурларны Иефоннийниң оглу Халевке берген.) ^z 57 Аароннуң салгалдарынга дараазында хоргадал-хоорайларны: Хевронну, Ливнаны болгаш ооң одар-белчиирлиг черлерин, Иаттирни, Эштемоаны болгаш ооң одар-белчиирлиг черлерин, 58 Хилен биле Давирни оларның одар-белчиирлиг черлери-биле кады, 59 Ашан биле Бет-Шемешти оларның одар-белчиирлиг черлери-биле кады берген. 60 А Вениаминниң аймааның черинден Аароннуң салгалдары Геваны, Аллеметти, Анатотту оларның одар-белчиирлиг черлери-биле кады алганнар. Оларның төрел бөлүктер аайы-биле алган хоорайларының ниити саны – он үш ^{▼▼ Өске номда (Иис. 21:16, 17-де) Ютта биле Гаваон хоорайлар база демдеглеттинген.}.

61 Кохаттың арткан салгалдары Манассияның аймааның чартыының черинден төлге даштар октааш, он хоорайны алган. 62 Гирсоннуң салгалдары төрел бөлүк аайы-биле Иссахарның, Асирниң, Неффалимниң база Васанга чурттаан Манассияның аймактарының черлеринден он үш хоорайны алганнар. 63 Мерариниң салгалдары төрел бөлүк аайы-биле Рувимниң, Гадтың, Завулоннуң аймактарының черлеринден он ийи хоорай алган.

64 Израильчилер левиттерге ынчалдыр хоорайларын болгаш одар-белчиирлиг черлерин бергеннер. 65 Төлге даштар октааш, олар левиттерге Иуданың, Симеоннуң база Вениаминниң аймактарындан хоорайларны адап шилээш бергеннер.

66 Кохаттың салгалдарының чамдык төрел бөлүктеринге Эфремниң аймаа хоорайлар берген. 67 – 68 – 69 Дараазында хоргадал-хоорайлар берген: Эфрем дагларында Сихемни, Гезерни, Иокмеамны, Бет-Оронну, Айалонну база Гат-Риммонну одар-белчиирлиг черлери-биле кады. 70 Кохаттың арткан салгалдары Анер биле Билеам хоорайларны одар-белчиирлиг черлери-биле Манассияның аймааның чартыындан алганнар.

71 Гирсоннуң салгалдарынга Манассияның аймааның чартыы Васанда Голанны база Аштаротту оларның одар-белчиирлиг черлери-биле кады бергеннер. 72 – 73 Иссахарның аймаандан гирсончулар Кедести, Давратты, Рамотту база Анемни одар-белчиирлиг черлери-биле кады алганнар. 74 – 75 Асирниң аймаандан Машалды, Авдонну, Хукокту база Реховту одар-белчиирлиг черлери-биле кады алганнар. 76 Неффалимниң аймаандан Галилеяда Кедести, Хаммонну база Кириатаимни одар-белчиирлиг черлери-биле кады алганнар.

77 Арткан левиттер – Мерариниң салгалдары Завулоннуң аймаандан Риммонну база Фаворну оларның одар-белчиирлиг черлери-биле кады алганнар. 78 – 79 Рувимниң аймаандан Иерихондан чөөн талазында Иорданның ол чарыында Иаацаны, ээн кургаг ховуда Бецерни, Кедемотту база Мефаатты одар-белчиирлиг черлери-биле кады алганнар. 80 – 81 Гадтың аймаандан Галаадта Рамотту, Маханаимни, Эсевонну база Иазерни одар-белчиирлиг черлери-биле кады алганнар.