1 Chronicles 9
Туттуруушкундан Иерусалимче ээп келгеннер
(Неем. 11:1-22)
1Ынчалдыр бүгү израильчилерниң төрел бөлүктер аайы-биле чизе-даңзызын тургускан, Израильдиң хааннарының төөгү бижилгезинче киирген. Иудейлер ужур-дүрүм чок чоруктары дээш Вавилонче көжүртүпкен соонда a, 2Израильдиң хоорай, суурларынга катап база чурттап эгелээн баштайгы улус израильчилер, Бурганның бараалгакчылары, левиттер болгаш Бурганның өргээзинде ажылчыннар b болган. 3Иуданың, Вениаминниң, Эфремниң база Манассияның аймактарындан дараазында улус Иерусалимге турумчуп алган. 4– 5– 6Иуданың аймаандан c: Фарестиң үре-салгалындан d – Утай (ол дээрге Аммиудтуң оглу, Аммиуд Омриниң оглу, Омри Имрийниң оглу, Имрий Баниниң оглу); Шеланың e үре-салгалындан – төрел бөлүүнүң баштыңы Асайя болгаш ооң оолдары; Зерахтың f үре-салгалындан – Иеуил болгаш ооң акы-дуңмалары. Шуптузу 690 кижи. 7Вениаминниң аймаандан: Саллу (ол дээрге Мешулламның оглу, Мешуллам Годавияның оглу, Годавия Гассенуаның оглу); 8Иерохамның оглу Ивний; Эла (ол Узийниң оглу, а Узий Михрийниң оглу); Мешуллам (ол Шефатияның оглу, Шефатия Регуилдиң оглу, Регуил Ивнийниң оглу); 9база салгалдар аайы-биле оларның акы-дуңмалары, шупту боттарының төрел бөлүктериниң баштыңнары чүве-дир. Шуптузу 956 кижи.Бараалгакчылар болгаш левиттер
10А Бурганның бараалгакчыларындан: Иедайя, Иегоиарив, Яхин, 11Бурганның өргээзинде эргелекчи Азария (ооң ада-өгбелери – Хелкия, Мешуллам, Садок, Мерайот болгаш Ахитув), 12Адайя (ооң ада-өгбелери – Иерохам, Пашхур, Малхия, Маасай, Адиил, Яхзера, Мешуллам, Мешуллемит болгаш Иммер) 13болгаш оларның акы-дуңмалары – төрел бөлүктериниң баштыңнары, Бурганның өргээзинге бараан болурунга шылгараан улус. Шуптузу 1760 кижи. 14Левиттерден: Мерариниң үре-салгалындан – Шемайя (ол дээрге Хашувтуң оглу, Хашув Азрикамның оглу, Азрикам Хашавияның оглу); 15оон ыңай Вакбакар, Хереш, Галал база Маттания (ол Миханың оглу, Миха Зихрийниң оглу, а Зихрий Асафтың оглу); 16оон ыңай Авдий (ол Шемайяның оглу, Шемайя Галалдың оглу, а Галал Идифуннуң оглу) база Нетофаның чоок-кавызы чурттуг Берехия (ол Асаның оглу, Аса Элкананың оглу). 17А хаалгачылардан g: Шаллум, Аккув, Талмон, Ахиман база оларның акы-дуңмалары. Оларның кол кижизи Шаллум турган. 18Ол хаалгачылар бо үеге чедир чөөн талакы Хаан Хаалгазын кадарбышаан хевээр. Оларның төрел бөлүү левиттерниң турлааның хаалгачылары турган. 19Шаллум (ол Корениң оглу, Коре Эвиасафтың оглу, Эвиасаф Корахтың оглу) база ооң төрел ха-дуңмалары – корах төрел бөлүк албан-хүлээлгезин ёзугаар ыдыктыг майгынның хаалгазын кадарар, оларның өгбелери база Дээрги-Чаяакчының турлаанга кирер черни кадарып чорааннар болгай. 20Шаг шаанда Элеазарның оглу Финеес оларның даргазы турган, Дээрги-Чаяакчы ооң-биле кады турган h. 21Мешелемияның оглу Захария Ужуражылга майгынының хаалгачызы турган i. 22Хаалгачылар кылдыр шилиттингеннерниң ниити саны 212 кижи. Оларны чурттап турар черлериниң аайы-биле даңзыже киирген. Давид биле өттүр көөр Самуил хаалгачыларны оларның шынчы бердингени дээш томуйлап дагзып каан j. 23Олар болгаш оларның үре-салгалы Дээрги-Чаяакчының өргээ-майгынының хаалгазын кадарар ужурлуг. 24Хаалгачылар дөрт талада: чөөн, барыын, соңгу болгаш мурнуу талада турганнар. 25А хаалгачыларның суурларга чурттаан төрелдери оларга доктааткан үеде келгеш, чеди хонар турганнар k. 26Левит хаалгачыларның дөрт даргазынга Бурганның өргээзинде өрээлдерни база ында бар эртине-байлакты кадарарын бүзүреп дааскан. 27Бурганның өргээзин кадарар база эртенниң-не эжик ажыдар хүлээлгелиг болгаш, ол хаалгачылар ооң даштынга долгандыр хонуп турганнар l. 28Левиттерниң чамдыызынга Бурганга бараан болурда ажыглаар эт-херекселди хүлээдип каар турган. Ол левиттер бо эт-херекселди улус ажыглаар дээш алырга база дедир эгидерге, санап аар турган. 29А чамдыктары өске херекселдерни, ооң иштинде ыдыктыг эт-херекселди, кадагалаар хүлээлгелиг. Ол ышкаш далганны, араганы, олива үзүн, айдызаар чүүлдерни база чаагай чыттыг бүдүмелдерни. 30А чаагай чыттыг бүдүмелдерни холуур харыысалга Бурганның бараалгакчыларының чамдыызынга онаашкан m. 31Левит Маттифияга (корах уктуг Шаллумнуң дун оглунга) далганнар хаарарын бүзүреп дагзып каан. 32А амыр-дыш хүн санында хереглээр ыдыктыг хлеб быжырар, одуруглай салыр хүлээлге кохат уктуг чамдык левиттерге онаашкан n. 33Төрел бөлүктериниң баштыңнары болур ыраажы левиттер өргээниң өрээлдеринде чурттап o, өске ажылдардан хостуг турганнар, чүге дээрге олар херек апарганда, дүн-хүн дивейн, ырлаар хүлээлгезин күүседир ужурлуг p. 34Олар дээрге левиттерниң төрел бөлүктериниң баштыңнары-дыр. Олар Иерусалимге чурттап турганнар.Саул хаанның өгбелери, үре-салгалы
(1 Чыл. 8:29-38)
35Гаваончуларның өгбези Иеиел Гаваонга чурттап турган. Ооң кадайының ады Мааха. 36Ооң дун оглу Авдон, оон аңгы оолдары Цур, Кис, Ваал, Нир, Надав, 37Гедор, Ахио, Захария болгаш Миклот. 38Миклот Шимамны төрээн. Олар Иерусалимге дөргүл-төрелиниң аразынга ха-дуңмалары-биле кады чурттап чорааннар. 39Нир Кисти төрээн. Кис Саулду төрээн q. Саул Ионафан, Малхисуа, Авинадав болгаш Эшбаалды төрээн ▼▼ Саулдуң 2 Хаан. 2–4 эгелерде Иевосфей деп адаткан демги-ле оглу ол болгу дег.
. 40Ионафанның оглу – Мериббаал ▼▼ Ооң өске адын 2 Хаан. 9:6; 19:24-те Мемфивосфей дээр.
. А Мериббаалдың оглу Миха. 41Миханың оолдары: Пион, Мелех, Тахрея болгаш Ахаз ▼▼ Өске бурунгу сөзүглелде «Ахаз» деп ат таварышпайн турар.
. 42Ахаз Иараны төрээн. Иара Алемет, Азмавет болгаш Зимрини төрээн. Зимри Моцаны төрээн. 43Моца Бинеяны төрээн. Бинеяның оглу Рефайя, Рефайяның оглу Элеаса, Элеасаның оглу Ацел. 44Ацел алды оолдуг турган, оларның аттары бо: Азрикам, Бохру, Измаил, Шеария, Авдий болгаш Ханан. Олар дээрге Ацелдиң оолдары-дыр.
Copyright information for
TyvTUV