a2 Кор. 12:21
bЛев. 18:8; Ы. х. к. 22:30; 27:20; Ам. 2:7
cКол. 2:5
d2 Кор. 2:6; 1 Тим. 1:20
eУ. ч. 23:14
fМф. 13:33; Лк. 13:21; Гал. 5:9
gХост. 12:15; Ы. х. к. 16:3
iМк. 8:15; Лк. 12:1
jЭф. 5:11; 2 Фес. 3:14
k2 Фес. 3:6
lМк. 4:11
mЫ. х. к. 17:7

‏ 1 Corinthians 5

Самыыраан кижини Павелдиң буруу шапканы

1Силерниң араңарда самыыраар чорук a тывылган деп чугаа-соот чер-черде дыңналып тур. Дүрзү-бурганга чүдүүр улустуң безин билбези хай-калчаа самыыраар чорук силерде бар дээр-дир: бирээңер соңгу иези-биле холбажы берген дээр-дир b. 2А силер менээргенир-дир силер! Ооң орнунга муңгарап-човап, ындыг херек үүлгеткен кижини араңардан үндүрер ужурлуг эвес силер бе? 3– 4Мага-бодум-биле араңарга турбазымза-даа, сагыш-сеткилим-биле – кады мен c. Ынчангаш силерниң чаныңарга турган-даа дег, ындыг херек үүлгеткен кижини канчаптарын Дээргивис Иисустуң өмүнээзинден шиитпирлептим. Чаңгыс черге чыглып келгениңерде (база сагыш-сеткилим-биле араңарга турумда), Дээргивис Иисустуң эрге-күжү-биле 5ындыг кижини эрликке хүлээдип берээл d – ооң бачыттыг күзээшкиннерлиг мага-боду узуткаттынзын база Дээрги-Чаяакчының шииткел хүнүнде ооң сүлдези камгалал алзын e.

6Силерде мактаныпкы дег чүү-даа чок. «Хөй далган хөөй берзин дизе, ынай ажыткы херегин» билбес силер бе? f 7Чаа хөөткен далган боор дээш, эрги ажыткыны аштап кааптыңар g, силер болза ажыткы холуваан далган-на болгай силер. Чүге дээрге Хосталыышкын байырлалывыстың Хураганы боор Христосту бис дээш өргээн болгай. 8Ындыг болганда, Хосталыышкын байырлалын бузуттуг-бак болгаш будалчак чоруктуң эрги ажыткызы-биле эвес ▼
▼ Хосталыышкын байырлалының үезинде иудейлер ажыткы холаан далгандан быжырган хлеб чивес турган (Хост. 12:18-19 көр).
, а ак сеткил болгаш алыс шынның ажыткы чокка хаарган далганы-биле байырлап чоруулуңар i.

9Самыыраан улус-биле харылзашпаңар деп j, мооң мурнундагы чагаамга бижээн мен. 10Ындыг-даа болза, черле бо делегейде турар бүгү самыыраан улус-биле, чазый-чилби база акша бузурукчузу улус-биле азы дүрзү-бурганнарга чүдүүрлер-биле харылзашпаңар дивээн мен. Оон башка бо делегейни шуут каапкаш, чоруур ужурга таварышкай силер. 11Бүзүрээн ха-дуңманың бирээзи мен дээр k, а херек кырында самыыраан, чазый-чилби азы дүрзү-бурганга чүдүүр, нүгүлчү азы арагачы, акша бузурукчузу кижи-биле харылзашпаңар деп, мен ам силерге тайылбырлап, бижип ор мен. Ындыг кижи-биле кады аъш-чем безин чивеңер! 12– 13Христиан ниитилелден дашкаар турар улусту шиидери мээң кандыг херээм чүвел? Дашкаар турар улусту l Бурган шиидер, а силерниң херээңер – христиан ниитилелдиң иштинде турар улусту шиидери-дир. Ынчангаш силер бужар-бак кижини араңардан үндүрүптүңер m.
Copyright information for TyvTUV