1Cor 8 | TyvTUV | STEP | Дүрзү-бурганнарга өргүп салган чем дугайында бижээниңерге хамаарыштыр . «Бистиң шуптувуста билиг барын билир бис». Ол шын болбайн канчаар, ынчалза-даа билиг улусту адыыргак кылып каар, а ынакшыл быжыктырып турар .

‏ 1 Corinthians 8

Дүрзү-бурганнарга өргүп салган чем дугайында

1 Дүрзү-бурганнарга өргүп салган чем дугайында бижээниңерге хамаарыштыр ^a. «Бистиң шуптувуста билиг барын билир бис». Ол шын болбайн канчаар, ынчалза-даа билиг улусту адыыргак кылып каар, а ынакшыл быжыктырып турар ^b. 2 Бир-ле чүүлдү билир мен деп бодаар кижи херек кырында чүнү-даа болур-чогууру-биле билбес ^c. 3 Ынчалза-даа Бурганга ынак кижи Аңаа билдингир апарган-дыр ^d.

4 Ынчангаш дүрзү-бурганнарга өргүп салган чемге хамаарыштыр: «Билир чүүлүвүс бо-дур: бо делегейде дүрзү-бурган – көңгүс чүү-даа эвес база чүгле чаңгыс Бургандан өске кандыг-даа бурган чок ^e. 5 Дээрде азы черде бурган деп адаткан чүүлдер бар-ла харын (шынап-ла, эңдерик хөй „бурганнар“болгаш „дээргилер“бар болбазыкпе). 6 А бисте чүгле бүгү чаяалганың эге-дөзү, амыдыралывыстың эчис сорулгазы боор чаңгыс Бурган Ада ^f болгаш бүгү чаяалганың Ону дамчыштыр бар апарганы ^g, Ону дамчыштыр амыдырап чоруурувус чаңгыс Дээрги Иисус Христос олар бар» ^{▼▼ Бо шүлүктерде кавычка иштинче киирген черлер коринфичилерниң Павелге чагаазындан алдынган бооп чадавас, ынчалза-даа ол цитаталарның каяа төнүп турары ылап билдинмес.}.

7 Ынчалза-даа улустуң шуптузунда шак ындыг билиг чок. Чамдык улус чоокка чедир-ле дүрзү-бурганнарга өргүлге салган чем чип, оларга мөгейиг дугайында бодап чаңчыккан. Ындыг улустуң арын-нүүрү ам-даа быжыкпаан болгаш, өргүлге салган аъш-чем оларны бужартадыптар ⁱ.

8 «А аъш-чем бисти Бурганче чоокшуладып шыдавас. Кандыг-бир чемни чивес-даа болзувусса, биске багай болбас, ону чиир-даа болзувусса, дөмей-ле биске эки апарбас ^j*».

9 Чүгле оваарнып көрүңер: силерниң хостуу-биле чемненириңер бүзүрели быжыкпаан улусту бачытче күткүде бербезин. 10 Ам-даа чегей билиглиг, быжыкпаан кижи ^k шыырак билиглиг сээң дүрзү-бурганга мөгеер черде өргүлге салган аъш-чем чип орарыңны көрүп кагза ^l, ол кижи дүрзү-бурганга өргээн эътти чий бээр кылдыр ооң арын-нүүрүн «быжыктырып» шыдааның ол боор бе? 11 Силерден кошкак база Христостуң ол дээш өлгени кижини силерниң билииңер өлүмге чедире бээри ол-дур ^m. 12 Ооң быжыкпаан арын-нүүрүн балыглааныңар-биле бүзүрээн ха-дуңмаңарга удур бачыт үүлгеткеш, Христоска удур бачыт үүлгедип турарыңар ол-дур. 13 Ынчангаш аъш-чем мээң бүзүрээн ха-дуңмамны бачытче күткүдүп турар болза, ону бачытче киирбес дээш, моон соңгаар кажан-даа эът чивес мен ⁿ.