1Jo 1 | TyvTUV | STEP | Эң эгезинде бар турган, Ооң дугайында дыңнаанывыс, боттарывыстың караавыс-биле көргенивис, хайгаарап шинчилээнивис база холдарывыс-биле тудуп билгенивис амыдырал хайырлаар Сөстүң дугайында силерге бижип олур бис.

‏ 1 John 1

Иисус Христос – амыдыралдың Сөзү

1 Эң эгезинде бар турган, Ооң дугайында дыңнаанывыс, боттарывыстың караавыс-биле көргенивис, хайгаарап шинчилээнивис база холдарывыс-биле тудуп билгенивис ^a амыдырал хайырлаар Сөстүң дугайында силерге бижип олур бис. 2 Амыдырал биске көстүп келген ^b, бис Ону көрген бис, Ооң херечилери болган бис ^c. Ынчангаш Адазы-биле кады тургаш ^d, оон биске база көстүп келген ол мөңге амыдыралдың дугайында силерге медеглеп турарывыс бо. 3 Силерни база биске каттыжып, сырый харылзаалыг болзуннар дээш, боттарывыстың көрген база дыңнаан чүүлүвүстү медеглеп тур бис. А бис Бурган Ада болгаш Ооң Оглу Иисус Христос-биле каттыжып, харылзаалыг апарган болгай бис ^e. 4 Бистиң өөрүшкүвүс ^{▼▼ Өске бурунгу сөзүглелдерде «Силерниң өөрүшкүңер» деп бижээн.} эгээртинмес долу болзун дээш ^g, силерге бо бүгүнү бижээнивис бо.

Бурган дээрге чырык-тыр

5 Иисустан дыңнаанывыс база ам силерге медеглээривис Буянныг Медээ бо-дур: «Бурган дээрге чырык-тыр ^h, Ында кандыг-даа кара чок». 6 «Ооң-биле сырый харылзаалыг болдувус» деп тургаш-ла, боттарывыс караңгыда азып чоруур болзувусса ⁱ, мегелеп турарывыс ол-дур база алыс шынның аайы-биле кылбайн турарывыс ол-дур. 7 Ынчаарга Ооң чырыкта боору дег, бис база чырыкка амыдыраар болзувусса ^j, аравыста сырый харылзаалыг апаар бис, Ооң Оглу Иисустуң төккен ханы бисти кандыг-даа бачыттан арыглаар ^k. 8 «Бачыт чок бис» дээр болзувусса, боттарывысты мегелеп турарывыс ол-дур база Бурганның шынының бисте чогу ол-дур ^l. 9 А бачыттарывысты ажыы-биле миннир болзувусса, Бурган Боду сөзүнге шынчы база чөптүг болгаш, бачыттарывысты өршээр база кандыг-даа чөптүг эвес херектерден бисти арыглаар ^m. 10 А «Бачыт үүлгетпедивис» дээр болзувусса, Бурганны «Мегечи сен» деп турарывыс ол ⁿ, ындыг болганда, Ооң сөзү бисте чок-тур ^o.